തിരുവനന്തപുരം: മുഖ്യമന്ത്രിയുടെ ദൂതനെന്ന വെളിപ്പെടുത്തലില്‍ സ്വപ്ന സുരേഷിനെതിരെ പരാതി നല്‍കി മുന്‍ മാധ്യമപ്രവര്‍ത്തകന്‍ ഷാജ് കിരണ്‍. ഗൂഢാലോചനയില്‍ കുടുക്കാന്‍ ശ്രമിക്കുന്നുവെന്ന് ആരോപിച്ച് സംസ്ഥാന പോലീസ് മേധാവിയ്ക്കാണ് ഷാജ് പരാതി നല്‍കിയത്.
സൗഹൃദപരമായി സംസാരിച്ച കാര്യങ്ങളാണ് സ്വപ്ന സുരേഷ് പുറത്തുവിട്ടതെന്ന് പരാതിയില്‍ പറയുന്നു. കേരളസര്‍ക്കാരിനെതിരായ വന്‍ ഗൂഢാലോചനയുടെ ഭാഗമായാണ് സ്വപ്ന സുരേഷ് ആ സംഭാഷണം പുറത്തുവിട്ടത്. സ്വപ്ന സുരേഷിന്റെ മൊബൈലും ശബ്ദശകലവും പരിശോധിച്ചാല്‍ ഇത് വ്യക്തമാകുമെന്നും പരാതിയില്‍ പറയുന്നു.
സംഭവത്തില്‍ ഏത് അന്വേഷണം നേരിടാനും തയ്യാറാണ്. അന്വേഷണത്തില്‍ സഹകരിക്കും. സംഭവത്തില്‍ കുറ്റക്കാര്‍ക്കെതിരെ കര്‍ശന നടപടി സ്വീകരിക്കണമെന്നും പരാതിയില്‍ ആവശ്യമുണ്ട്.
Discussion about this post