മുംബൈ: മഹാരാഷ്ട്രയില് വിശ്വാസ വോട്ടെടുപ്പ് നടത്തണമെന്ന് ഗവര്ണര് ആവശ്യപ്പെട്ടതിന് പിന്നാലെ സുപ്രീം കോടതിയെ സമീപിച്ച് ഉദ്ദവ് താക്കറെ സര്ക്കാര്. 16 വിമത എംഎല്എമാരെ അയോഗ്യരാക്കണമെന്ന ശിവസേനയുടെ ആവശ്യം ഗവര്ണര് ഭഗത് സിംഗ് കോഷിയാരിയുടെ മുമ്പില് നില്ക്കെ വിശ്വാസ വോട്ടെടുപ്പ് നടത്തുന്നതിനെതിരെയാണ് സര്ക്കാര് സുപ്രീം കോടതിയെ സമീപിച്ചിരിക്കുന്നത്.
വ്യാഴാഴ്ച വിശ്വാസ വോട്ടെടുപ്പ് നടത്തണമെന്നാണ് ഗവര്ണര് നിര്ദേശിച്ചിരിക്കുന്നത്. എന്നാല് എംഎല്എമാരെ അയോഗ്യരാക്കുന്നതില് ഒരു തീരുമാനം ഉണ്ടാക്കാതെ വിശ്വാസ വോട്ടെടുപ്പ് നടത്താന് സാധിക്കില്ലെന്ന് ശിവസേന ചീഫ് വിപ്പ് സുനില് പ്രഭു സുപ്രീം കോടതിയില് സമര്പ്പിച്ച ഹര്ജിയില് വ്യക്തമാക്കി.
ഹര്ജി അടിയന്തരമായി പരിഗണിക്കണമെന്നും അദ്ദേഹം ഹര്ജിയില് ആവശ്യപ്പെട്ടു. ഹര്ജി വൈകുന്നേരം അഞ്ചിന് സുപ്രീം കോടതി പരിഗണിക്കും.
