കൊച്ചി: കെ റെയില് പദ്ധതിയ്ക്ക് അനുമതിയില്ലെന്ന് ആവര്ത്തിച്ച് കേന്ദ്ര സര്ക്കാര്. ഹൈക്കോടതിയില് കേന്ദ്ര റെയില്വെ മന്ത്രാലയത്തിന് വേണ്ടി സമര്പ്പിച്ച മറുപടിയിലാണ് അസിസ്റ്റന്റ് സോളിസിറ്റര് ജനറല് പദ്ധതിക്കെതിരായ കേന്ദ്ര നിലപാട് വിശദീകരിച്ചത്.
കെ റെയില് പദ്ധതിക്ക് വേണ്ടിയുള്ള ഭൂമി ഏറ്റെടുക്കല് അപക്വമാണ്. സംസ്ഥാന സര്ക്കാര് നടത്തുന്ന സര്വേയ്ക്ക് കെ റെയില് കോര്പ്പറേഷന് പണം ചിലവാക്കിയാല് ഉത്തരവാദിത്തം കെ റെയിലിനു മാത്രമായിരിക്കുമെന്നും റെയില്വേ മന്ത്രാലയം വ്യക്തമാക്കുന്നു.
കെ റെയില് കോര്പ്പറേഷന് സ്വതന്ത്ര കമ്പനിയാണ്. റെയില്വേയ്ക്ക് ഈ സ്ഥാപനത്തില് ഓഹരി പങ്കാളിത്തമുണ്ടെങ്കിലും അത്തരം കമ്പനികളുടെ ദൈനംദിന പ്രവര്ത്തനങ്ങളില് കേന്ദ്ര സര്ക്കാര് ഇടപെടാറില്ലെന്നും അസിസ്റ്റന്റ് സോളിസിറ്റര് ജനറല് വിശദമാക്കി.
Discussion about this post