കൊച്ചി: രാജ്യത്തിന്റെ അഭിമാനം വാനോളമുയര്ത്തി കൊച്ചി കപ്പല്ശാല നിര്മ്മിച്ച ഇന്ത്യയുടെ ആദ്യ തദ്ദേശീയ വിമാനവാഹിനി കപ്പല് ‘വിക്രാന്ത്’ പ്രധാനമന്ത്രി നരേന്ദ്രമോദി നാടിന് സമര്പ്പിച്ചു. രാവിലെ ഒന്പതരയോടെ കൊച്ചിയിലെ കപ്പല്ശാലയില് ചടങ്ങുകള് ആരംഭിച്ചു. പ്രതിരോധ മന്ത്രി രാജ്നാഥ് സിംഗ്, ഗവര്ണര് ആരിഫ് മുഹമ്മദ് ഖാന്, മുഖ്യമന്ത്രി പിണറായി വിജയന്, നാവികസേനാ മേധാവി അഡ്മിറല് ആര് ഹരികുമാര് എന്നിവര് ചടങ്ങില് പങ്കെടുത്തു.
ഗാര്ഡ് ഓഫ് ഓണര് സ്വീകരിച്ചതിന് ശേഷം കമ്മിഷനിംഗിന് മുന്പായി നാവികസേനയുടെ പുതിയ പതാക പ്രധാനമന്ത്രി പ്രകാശനം ചെയ്തു. കൊളോണിയല് മുദ്രകള് പൂര്ണമായി നീക്കിയ പതാകയാണ് പ്രകാശനം ചെയ്തത്. വിക്രാന്ത് സമര്പ്പണത്തിലൂടെ രാജ്യം പുതിയൊരു സൂര്യോദയത്തിന് സാക്ഷിയാകുകയാണെന്ന് ചടങ്ങ് അഭിസംബോധന ചെയ്യവേ പ്രധാനമന്ത്രി നരേന്ദ്ര മോദി പറഞ്ഞു. ശക്തമായ ഭാരതത്തിന്റെ ശക്തമായ ചിത്രമാണിത്. രാജ്യത്തിന്റെ പ്രതിബദ്ധതയുടെ പ്രതീകം.
അഭിമാനമുഹൂര്ത്തമാണിത്. ഒരു ലക്ഷ്യവും അസാദ്ധ്യമല്ലെന്ന് വിക്രാന്ത് തെളിയിച്ചു. സമുദ്രമേഖലയിലെ വെല്ലുവിളികള്ക്ക് രാജ്യത്തിന്റെ ഉത്തരമാണിത്. വിക്രാന്തിലൂടെ രാജ്യംലോകത്തിന് മുന്നിലെത്തി. കേരളത്തിന്റെ പുണ്യഭൂമിയില് നിന്ന് രാജ്യത്തിനായുള്ള നേട്ടം. ലോകത്തിന് ശക്തമായ ഭാരതം ആവശ്യമാണ്. ശക്തമായ ഭാരതം സുരക്ഷിത ലോകത്തിന് മാര്ഗദര്ശിയാകും. നാവികസേനയ്ക്ക് കരുത്തും ആത്മധൈര്യവും കൂടി. അതിശക്തമായ നാവികസേന സമുദ്രവ്യാപാരം വര്ദ്ധിപ്പിക്കുന്നതിന് സഹായകമാകും.
വിക്രാന്ത് ആത്മനിര്ഭര് ഭാരതത്തിന്റെ പ്രതീകമാണെന്നും പ്രധാനമന്ത്രി പറഞ്ഞു. പുതിയ നൂറ്റാണ്ടിലെ ഇന്ത്യയുടെ മുദ്ര. എല്ലാ പൗരന്മാരും തദ്ദേശീയമായ ഉത്പന്നങ്ങള്ക്കായി നിലകൊള്ളണമെന്ന് നിര്ദേശിച്ച അദ്ദേഹം വിക്രാന്തിന് പിന്നില് പ്രവര്ത്തിച്ച തൊഴിലാളികള്ക്കും എഞ്ചിനീയര്മാര്ക്കും നന്ദി പറഞ്ഞു.
ഐ എന് എസ് വിക്രാന്ത് സ്വയം പര്യാപ്തതുടെ പ്രതീകമാണെന്ന് പ്രതിരോധമന്ത്രി രാജ്നാഥ് സിംഗ് പറഞ്ഞു. വിക്രാന്ത് രാജ്യത്തിന് മുതല്ക്കൂട്ടാകുമെന്നും അദ്ദേഹം കൂട്ടിച്ചേര്ത്തു. വിക്രാന്ത് അഭിമാന നേട്ടമാണെന്ന് നാവികസേനാ മേധാവി അഡ്മിറല് ആര് ഹരികുമാര് പറഞ്ഞു.
