ചെന്നൈ: മുഖ്യമന്ത്രിയുടെയും മന്ത്രിമാരുടെയും വിദേശ യാത്രകള് വേണ്ടെന്ന് വയ്ക്കാന് സാധ്യമല്ലെന്ന് സിപിഎം സംസ്ഥാന സെക്രട്ടറി എം.വി. ഗോവിന്ദന്. യാത്രകള് കൊണ്ടല്ല സംസ്ഥാനത്ത് സാമ്പത്തിക നില മോശമായത്. സാമൂഹികപരമായും ഭരണപരമായും യാത്രകള് വളരെ അത്യാവശ്യമാണെന്നുമാണ് എം.വി. ഗോവിന്ദന് പറഞ്ഞു.
വിദേശപര്യടനത്തിന് പോകാന് പാടില്ലെന്ന് ആരും പറഞ്ഞിട്ടില്ലല്ലോ. ആവശ്യം വന്നാല് വിദേശത്തും രാജ്യത്തിനകത്തും യാത്രചെയ്യേണ്ടി വരുമെന്ന് സിപിഎം സംസ്ഥാന സെക്രട്ടറി മാദ്ധ്യമങ്ങളോട് പറഞ്ഞു. ലോക മാതൃകകള് കണ്ടുപഠിക്കാന് വിദേശ യാത്രകള് അത്യാവശ്യമെന്നാണ് ധനമന്ത്രിയും പ്രതികരിച്ചത്. ലോകത്തുള്ള കാര്യങ്ങള് കാണാന് നാം പോകേണ്ടതുണ്ട്. വിദേശ യാത്രകളും പഠനങ്ങളും സംസ്ഥാനത്തിന് ആവശ്യമാണെന്നും കെ.എന്.ബാല?ഗോപാലും പറഞ്ഞു.
മുഖ്യമന്ത്രി പിണറായി വിജയന്, മന്ത്രിമാരായ മുഹമ്മദ് റിയാസ്, വി. ശിവന്കുട്ടി, വി.എന്.വാസവന്, കെ.എന്.ബാലഗോപാല്, പി.രാജീവ് എന്നിവരാണ് വിദേശ യാത്രയ്ക്ക് തയ്യാറെടുക്കുന്നത്. മന്ത്രി മുഹമ്മദ് റിയാസാണ് ആദ്യം യാത്ര ആരംഭിക്കുന്നത്. ഫ്രഞ്ച് തലസ്ഥാനമായ പാരിസിലേയ്ക്കാണ് മന്ത്രിയുടെ യാത്ര. ഈ മാസം 19-ന് അദ്ദേഹം പാരിസിലേയ്ക്ക് തിരിക്കും. വിദ്യാഭ്യാസം, നിക്ഷേപ ആകര്ഷണം എന്നിവയുമായി ബന്ധപ്പെട്ടാണ് മുഖ്യമന്ത്രിയും മറ്റു മന്ത്രിമാരും വിദേശ യാത്ര നടത്തുക. വിദ്യാഭ്യാസ മേഖലയിലെ പഠനത്തിനായി മന്ത്രി വി.ശിവന്കുട്ടി ഫിന്ലന്ഡ്, നോര്വെ എന്നിവിടങ്ങള് സന്ദര്ശിക്കും.
Discussion about this post