തിരുവനന്തപുരം: നിയമസഭ കയ്യാങ്കളി കേസില് ഇ പി ജയരാജന് ഒഴികെയുള്ള മറ്റ് പ്രതികള് കോടതിയില് ഹാജരായി. കുറ്റപത്രം പ്രതികളെ വായിച്ച് കേള്പ്പിച്ചു. പ്രതികള് കുറ്റം നിഷേധിച്ചു. കേസ് ഈ മാസം 26ന് വീണ്ടും പരിഗണിക്കും.
അസുഖത്തെ തുടര്ന്ന് വിശ്രമത്തിലാതിനാലാണ് ഇ പി ജയരാജന് ഹാജരാകാത്തതെന്നാണ് അദ്ദേഹത്തിന്റെ അഭിഭാഷകന് കോടതിയെ അറിയിച്ചത്. മറ്റ് പ്രതികളായ കെ ടി ജലീല് എംഎല്എ, മുന് എംഎല്എമാരായ കെ അജിത് കുമാര്, സി കെ സദാശിവന്, കെ കുഞ്ഞഹമ്മദ് എന്നിവരും കോടതിയിലെത്തി. വിചാരണ തുടങ്ങുന്നതിന്റെ ആദ്യഘട്ടമായാണ് ഇന്ന് പ്രതികളെ കുറ്റപത്രം വായിച്ച് കേള്പ്പിച്ചത്.
കേസ് പിന്വലിക്കണമെന്ന പ്രതികളുടെ ഹര്ജി ഹൈക്കോടതിയും സുപ്രീംകോടതിയും തള്ളിയതിന് പിന്നാലെ ഹാജരാകണമെന്ന കര്ശന നിര്ദേശം തിരുവനന്തപുരം ചീഫ് ജുഡീഷ്യല് മജിസ്ട്രേറ്റ് പുറപ്പെടുവിച്ചിരുന്നു. വിടുതല് ഹര്ജി നിലനിക്കുന്നതിനാല് പ്രതികള് നേരത്തേ കോടതിയില് ഹാജരായിരുന്നില്ല. ഹര്ജി തള്ളിയ ശേഷം മജിസ്ട്രേറ്റ് കോടതി കേസ് പരിഗണിച്ചപ്പോഴും പ്രതികള് ഹാജരാകാതിരുന്നതോടെയാണ് ഇന്ന് ഹാജരാകണമെന്ന കര്ശന നിര്ദേശം നല്കിയത്. ചീഫ് ജുഡീഷ്യല് മജിസ്ട്രേറ്റ് ആര് രേഖയാണ് കേസ് പരിഗണിച്ചത്.
2015 മാര്ച്ച് 13ന് ബാര് കോഴക്കേസില് പ്രതിയായ കെ എം മാണിയുടെ ബഡ്ജറ്റ് അവതരണം പ്രതിപക്ഷം തടസപ്പെടുത്തുന്നതിനിടെയാണ് സംഘര്ഷമുണ്ടായത്. സംഘര്ഷത്തിനിടെ 2.20 ലക്ഷം രൂപയുടെ പൊതുമുതല് നശിപ്പിച്ചുവെന്നാണ് ക്രൈം ബ്രാഞ്ചിന്റെ കുറ്റപത്രത്തില് പറയുന്നത്.
Discussion about this post