തിരുവനന്തപുരം: പാലക്കാട് വടക്കഞ്ചേരിയില് ടൂറിസ്റ്റ് ബസ് കെഎസ്ആര്ടിസി ബസിന്റെ പിന്നിലിടിച്ചുണ്ടായ അപകടം സംബന്ധിച്ച് അന്വേഷണം പ്രഖ്യാപിച്ച് ഗതാഗതമന്ത്രി ആന്റണി രാജു.
ടൂറിസ്റ്റ് ബസിന്റെ അമിതവേഗമാണ് അപകടത്തിനു കാരണമെന്നാണ് അറിയാന് കഴിയുന്നത്. സംഭവത്തില് സമഗ്രാന്വേഷണം നടത്തും. സ്കൂളില്നിന്ന് വിനോദയാത്ര പോകുമ്പോള് മോട്ടോര്വാഹന വകുപ്പിനെ അറിയിക്കണമെന്നും മന്ത്രി പറഞ്ഞു.
ദേശീയപാത വാളയാര്-വടക്കഞ്ചേരി അഞ്ചുമൂര്ത്തി മംഗലത്ത് കൊല്ലത്തറ ബസ് സ്റ്റോപ്പിന് സമീപമാണ് അപകടമുണ്ടായത്. വിദ്യാര്ഥികള് ഉള്പ്പെടെ ഒന്പത് പേരാണ് മരിച്ചത്. നിരവധി പേര്ക്ക് പരിക്കേല്ക്കുകയും ചെയ്തു. അപകടം നടക്കുന്ന സമയത്ത് മണിക്കൂറില് 97.7 കിലോമീറ്ററായിരുന്നു ബസിന്റെ വേഗം.
Discussion about this post