തിരുവനന്തപുരം: പേവിഷബാധ പ്രതിരോധ വാക്സിന് ഗുണനിലവാരമുള്ളതെന്ന് കണ്ടെത്തല്. സംസ്ഥാനത്ത് ഉപയോഗിക്കുന്ന ആന്റി റാബീസ് വാക്സിന് ഗുണനിലവാരമുള്ളതാണെന്നാണ് കണ്ടെത്തിയത്. കേന്ദ്ര ഡ്രഗ്സ് ലാബ് ഇത് സര്ട്ടിഫൈ ചെയ്തതായി ആരോഗ്യവകുപ്പു മന്ത്രി വീണ ജോര്ജ് മാധ്യമങ്ങളെ അറിയിച്ചു. കേന്ദ്ര ലാബിലേക്കയച്ച ഇമ്യുണോ ഗ്ലോബലിനും ഗുണനിലവാരമുള്ളതാണെന്ന് സ്ഥിരീകരിച്ചിട്ടുണ്ട്.
അതേസമയം പത്തനംതിട്ട മലയാലപ്പുഴയില് കുട്ടികളെ ഉപയോഗിച്ച് ദുര്മന്ത്രവാദം നടത്തിയ സംഭവം അതീവ ഗൗരവത്തോടെ കാണുന്നെന്ന് ആരോഗ്യമന്ത്രി വീണാ ജോര്ജ് പറഞ്ഞു. കുട്ടികളെ മന്ത്രവാദപ്രവര്ത്തനങ്ങള്ക്ക് ഉപയോഗിക്കുന്നവര്ക്കെതിരെ ശക്തമായ നടപടി സ്വീകരിക്കുമെന്നും മന്ത്രി പറഞ്ഞു. സമൂഹം ഒറ്റക്കെട്ടായി ഇതിനെതിരെ മുന്നിട്ടിറങ്ങണമെന്നും മന്ത്രി കൂട്ടിച്ചേര്ത്തു.മലയാലപ്പുഴയില് കുട്ടികളെ ഉപയോഗിച്ച് ദുര്മന്ത്രവാദം നടത്തിവന്ന സ്ത്രീ പിടിയിലായ സാഹചര്യത്തിലാണ് മന്ത്രിയുടെ പ്രതികരണം.
Discussion about this post