തിരുവനന്തപുരം: വിഴിഞ്ഞത്ത് കലാപ സാഹചര്യം ഉണ്ടാകാന് കാരണം സര്ക്കാരിന്റെ പിടിപ്പുകേടാണെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. ഇന്റലിജന്സ് സംവിധാനങ്ങളുടെ പരാജയമാണ് ഇത്രയും വ്യാപകമായ അക്രമം നടക്കാന് കാരണം. സര്ക്കാരിലെ ഒരു വിഭാഗം സമരക്കാര്ക്ക് ഒത്താശ ചെയ്തപ്പോള് ചിലര് ജനങ്ങള്ക്കൊപ്പമാണെന്ന് തെറ്റിദ്ധരിപ്പിക്കാന് ശ്രമിച്ചുവെന്നും അദ്ദേഹം പറഞ്ഞു.
ഹൈക്കോടതി നിരവധി തവണ ശക്തമായ നടപടിയെടുക്കാന് സര്ക്കാരിനോട് ആവശ്യപ്പെട്ടെങ്കിലും ഭരണകൂടം മൃദുസമീപനം കൈക്കൊള്ളുകയായിരുന്നു. വേണ്ടത്ര പോലീസിനെ വിഴിഞ്ഞത്ത് വിന്യസിക്കാതെ സമരം കലാപമായി മാറിയത് സര്ക്കാരിന്റെ പരാജയമാണ്. സംസ്ഥാനത്തെ ആഭ്യന്തര വകുപ്പ് പൂര്ണമായും പരാജയപ്പെട്ടെന്നും സുരേന്ദ്രന് കുറ്റപ്പെടുത്തി.
