തിരുവനന്തപുരം: വിഴിഞ്ഞം തുറമുഖ സമരത്തിന്റെ ഭാഗമായി തിരുവനന്തപുരം ലത്തീന് അതിരൂപത ഇന്ന് വഞ്ചനാദിനം ആചരിക്കുന്നു. ഓഖി ദുരന്ത വാര്ഷികത്തോടനുബന്ധിച്ചാണ് വഞ്ചനാദിനം ആചരിക്കുന്നത്. ഇതിന്റെ ഭാഗമായി അതിരൂപതയ്ക്ക് കീഴിലെ വീടുകളില് ഓഖി ദുരന്തത്തില് മരിച്ചവരുടെ ഓര്മ്മയ്ക്കായി മെഴുകുതിരികള് കത്തിക്കും. വിവിധ സംഘടനകളുടെ നേതൃത്വത്തില് പ്രത്യേക യോഗങ്ങളും ഉണ്ടാവും. മുല്ലൂരിലെ ഉപരോധ സമരപന്തലില് ഇന്ന് പൊതുസമ്മേളനം നടത്തും.
അതേസമയം, സംഘര്ഷ സാദ്ധ്യത കണക്കിലെടുത്ത് വിഴിഞ്ഞത്ത് കനത്ത ജാഗ്രത തുടരുകയാണ്. കൂടുതല് പൊലീസുകാരെ പ്രദേശത്ത് വിന്യസിച്ചിരിക്കുകയാണ്.
സംഘര്ഷത്തിന്റെ പശ്ചാത്തലത്തില് കഴിഞ്ഞ ദിവസം നടന്ന സര്വകക്ഷി യോഗത്തില് പൊലീസിന്റെ നടപടികള്ക്കെതിരെ കനത്ത വിമര്ശനം ലത്തീന് സഭ ഉന്നയിച്ചിരുന്നു. പ്രശ്നം ചര്ച്ച ചെയ്യുന്നതിന് മന്ത്രി ജി.ആര് അനിലിന്റെ നേതൃത്വത്തില് തിരുവനന്തപുരം കളക്ടറേറ്റില് നടന്ന യോഗം തീരുമാനം എടുക്കാനാകാതെ പിരിയുകയായിരുന്നു. പദ്ധതി വേഗം നടപ്പിലാക്കണമെന്ന് യോഗത്തില് പങ്കെടുത്ത രാഷ്ട്രീയ പാര്ട്ടി പ്രതിനിധികള് ഒന്നടങ്കം ആവശ്യപ്പെട്ടതായി മന്ത്രി ജി.ആര് അനില് അറിയിച്ചു. അതേ സമയം സമരസമിതി ഇതിനോട് അനുകൂലമായി പ്രതികരിച്ചിട്ടില്ല. ഇന്നലെ നടന്ന സംഭവങ്ങള് എല്ലാ പാര്ട്ടികളും അപലപിച്ചപ്പോള് സമരസമിതി ഇത് പൊലീസ് നടപടിയോടുളള സ്വാഭാവിക പ്രതികരണമാണെന്നാണ് പ്രതികരിച്ചത്.
Discussion about this post