തിരുവനന്തപുരം: ഭരണഘടനാ വിരുദ്ധ പ്രസംഗത്തിന്റെ പേരില് മന്ത്രിസ്ഥാനം രാജിവച്ച സജി ചെറിയാന് രണ്ടാം പിണറായി സര്ക്കാരില് ബുധനാഴ്ച വീണ്ടും മന്ത്രിയായി സത്യപ്രതിജ്ഞ ചെയ്ത് അധികാരമേല്ക്കുമെന്ന് ഗവര്ണര് ആരിഫ് മുഹമ്മദ് ഖാന്.
ആര് മന്ത്രിയാകണമെന്ന് തീരുമാനിക്കുന്നത് മുഖ്യമന്ത്രിയാണ്. ഇതൊരു അസാധാരണ സാഹചര്യമാണ്. തന്റെ ആശങ്ക സര്ക്കാരിനെ അറിയിച്ചിട്ടുണ്ട്. എന്നാല് ആത്യന്തികമായി മുഖ്യമന്ത്രിയുടെ ശുപാര്ശ താന് അംഗീകരിച്ചതായും ഗവര്ണര് പറഞ്ഞു.
അതേസമയം, താന് ഭരണഘടന വിരുദ്ധമായി ഒന്നും പറഞ്ഞിട്ടില്ലെന്നാണ് ഇന്ന് സജി ചെറിയാന് മാധ്യമങ്ങളോട് പ്രതികരിച്ചത്. ആറുമാസം മന്ത്രിസ്ഥാനത്ത് നിന്ന് മാറി നിന്നത് സര്ക്കാരിന്റെയും പാര്ട്ടിയുടെയും താല്പര്യം സംരക്ഷിക്കാനാണ്. തന്റെ പേരില് എവിടെയും കേസില്ലെന്നും അദ്ദേഹം പറഞ്ഞു.
Discussion about this post