കൊല്ലം : സജി ചെറിയാനെ മന്ത്രിയാക്കിയത് എല്ലാ ജനാധിപത്യ മര്യാദകളും ലംഘിച്ചുകൊണ്ടെന്ന് ബിജെപി അധ്യക്ഷന് കെ സുരേന്ദ്രന്. ബിജെപി സജി ചെറിയാന്റെ മന്ത്രിസ്ഥാനത്തിനെതിരെ നിയമ നടപടി ആരംഭിക്കും. ധാര്മികമായും രാഷ്ട്രീയമായും തെറ്റായ തീരുമാനമാണ്. മന്ത്രിസ്ഥാനത്ത് തുടരാന് സജി ചെറിയാന് യോഗ്യനല്ല.
സജി ചെറിയാന് മന്ത്രി സ്ഥാനം നല്കിയത് സര്ക്കാര് പ്രവര്ത്തിക്കുന്നത് ഭരണഘടന വിരുദ്ധമായാണ് എന്നതിന്റെ തെളിവാണ്. കലോത്സവത്തിലെ നോണ് വെജ് വിവാദം അനാവശ്യമാണ്. എല്ലാവരും കഴിക്കുന്ന ഭക്ഷണം എന്ന നിലയിലാണ് വെജ് വിളമ്പുന്നത്. നോണ്വെജ് പുറത്തുപോയി കഴിക്കാമല്ലോ. സസ്യേതര ഭക്ഷണം കഴിക്കുന്നതിന് കേരളത്തില് ആരും എതിരല്ലെന്നും കെ സുരേന്ദ്രന് പറഞ്ഞു.
ചിന്താ ജെറോമിന്റെ ശമ്പളം വര്ധിപ്പിച്ച സംഭവത്തില് പ്രതികരിച്ച സുരേന്ദ്രന് യുവജന കമ്മീഷന് യുവാക്കള്ക്കായി എന്താണ് ചെയ്തിട്ടുള്ളതെന്നും ചോദിച്ചു. യുവജന കമ്മീഷന് എന്നത് അനാവശ്യ കമ്മീഷന് ആണ്. കോടിക്കണക്കിന് രൂപ സര്ക്കാര് ഖജനാവില് നിന്ന് കൊള്ളയടിക്കുന്ന ആളുകളായി ഈ കമ്മീഷന് മാറിയിരിക്കുകയാണ്.
സാധാരണക്കാരന്റെ ചില്ലിക്കാശ് തിന്നു തടിച്ചു കൊഴുക്കുന്ന വെറും അഴിമതിക്കാരായി മാറിയിരിക്കുകയാണ് ഈ കമ്മീഷനുകളെല്ലാം. ശമ്പളം കൊടുക്കാനും പെന്ഷന് കൊടുക്കാനും കാശില്ല. പൊലീസ് ജീപ്പില് പെട്രോള് അടിക്കാന് പോലും കാശില്ല. ഖജനാവ് കാലിയായിട്ടും ധൂര്ത്തും കൊള്ളയും അവസാനിപ്പിക്കാന് ഈ സര്ക്കാര് തയ്യാറാകുന്നില്ല എന്നതിന്റെ തെളിവാണ് യുവജന കമ്മീഷന് കൊടുക്കുന്ന അധിക ശമ്പളമെന്നും സുരേന്ദ്രന് സൂചിപ്പിച്ചു.
