തിരുവനന്തപുരം: കേരളത്തിന്റെ മുഖ്യമന്ത്രിയായി വി.ഡി.സതീശന് സത്യപ്രതിജ്ഞ ചെയ്ത് അധികാരമേറ്റു. വന്ദേമാതരത്തോടെ ആരംഭിച്ച ചടങ്ങില് ഗവര്ണര് രാജേന്ദ്ര അര്ലേക്കര് സത്യവാചകം ചൊല്ലിക്കൊടുത്തു. മുഖ്യമന്ത്രിക്ക് പിന്നാലെ പുതിയ മന്ത്രിസഭാംഗങ്ങളും സത്യപ്രതിജ്ഞ ചെയ്തു. രാവിലെ 10.15ന് തിരുവനന്തപുരം സെന്ട്രല് സ്റ്റേഡിയത്തില് നടന്ന ചടങ്ങിലാണ് സത്യപ്രതിജ്ഞ ചെയ്തത്.
വിഡി സതീശന് പുറമേ മന്ത്രിസഭയിലെ പി കെ കുഞ്ഞാലിക്കുട്ടി, രമേശ് ചെന്നിത്തല, സണ്ണി ജോസഫ്, കെ മുരളീധരന്, മോന്സ് ജോസഫ്, ഷിബു ബേബി ജോണ്, സി പി ജോണ്, അനൂപ് ജേക്കബ്, എ പി അനില്കുമാര്, ബിന്ദു കൃഷ്ണ, പി സി വിഷ്ണുനാഥ്, എം ലിജു, ടി സിദ്ദിഖ്, റോജി എം ജോണ്, ഒ ജെ ജനീഷ്, കെ എ തുളസി, പി കെ ബഷീര്, എന് ഷംസുദ്ദീന്, കെ എം ഷാജി, വി ഇ അബ്ദുള് ഗഫൂര് എന്നിവരും സത്യപ്രതിജ്ഞ ചെയ്തു.
മല്ലികാര്ജുന് ഖര്ഗെ, സംഘടനാ ചുമതലയുള്ള ജനറല് സെക്രട്ടറി കെ. സി. വേണുഗോപാല്, ലോക്സഭാ പ്രതിപക്ഷ നേതാവ് രാഹുല് ഗാന്ധി, വയനാട് എംപി പ്രിയങ്കാ ഗാന്ധി എന്നിവര്ക്ക് പുറമെ കര്ണാടക മുഖ്യമന്ത്രി സിദ്ധരാമയ്യ, ഉപമുഖ്യമന്ത്രി ഡി. കെ. ശിവകുമാര് തുടങ്ങിയവര് ചടങ്ങിന് എത്തിയിരുന്നു.
പ്രതിപക്ഷ നേതാക്കള് ചടങ്ങില് സന്നിഹിതരായി. പുതിയ മുഖ്യമന്ത്രിയുടെ ക്ഷണം സ്വീകരിച്ച് മുന് മുഖ്യമന്ത്രി പിണറായി വിജയന്, സിപിഐഎം സംസ്ഥാന സെക്രട്ടറി എം വി ഗോവിന്ദന്, സിപിഐ സംസ്ഥാന സെക്രട്ടറി ബിനോയ് വിശ്വം എന്നിവര് സത്യപ്രതിജ്ഞാ ചടങ്ങിലെത്തി.
