ആലപ്പുഴ: സ്കൂള് കലോത്സവത്തിന്റെ ഭക്ഷണത്തില് വിഷം കലര്ത്താന് ചിലര് ശ്രമിച്ചെന്ന് ബി ജെ പി സംസ്ഥാന അദ്ധ്യക്ഷന് കെ സുരേന്ദ്രന്. ജനങ്ങളെ ഭിന്നിപ്പിക്കാന് ചിലര് കലോത്സവത്തിന്റെ ഭക്ഷണ വേദിയെ ഉപയോഗിച്ചെന്നും, ഇടതുപക്ഷമാണ് ഇതിനുപിന്നിലെന്നും അദ്ദേഹം മാദ്ധ്യമങ്ങളോട് പറഞ്ഞു.
‘ഇതുവരെ ഇല്ലാത്ത ഒരു വിവാദം അനാവശ്യമായി കുത്തിപ്പൊക്കിയതാണ്. കഴിഞ്ഞ പത്ത് പതിനാറ് വര്ഷമായി ഒരു ആരോപണവും കേള്ക്കാതെ സ്കൂള് കലോത്സവത്തില് ഭക്ഷണം വിളമ്പിയ പഴയിടം ബ്രാഹ്മണ്യത്തിന്റെ പ്രതീകമാണ്, ജാതീയതയാണ് അദ്ദേഹം പ്രചരിപ്പിക്കുന്നതെന്നൊക്കെയുള്ള പച്ചയായിട്ടുള്ള വിഭാഗീയത ചിലര് പ്രചരിപ്പിച്ചു. അദ്ദേഹത്തെ ജാതീയമായി ആക്ഷേപിച്ചു. ഭരിക്കുന്ന നേതാക്കളും അവര്ക്ക് വേണ്ടപ്പെട്ടവരും തന്നെയാണ് വിവാദത്തിന് തിരികൊളുത്തിയത്.
ഭക്ഷണത്തിന്റെ പേരില് പോലും വര്ഗീയത ഉയര്ത്തിവിടുകയാണ്. സസ്യാഹാരം ഏതെങ്കിലും മതത്തിന്റേതാണെന്ന് കരുതുന്നത് അങ്ങേയറ്റം വിഡ്ഢിത്തമാണ്. പഴയിടമല്ലല്ലോ മെനു തയ്യാറാക്കുന്നത്. സര്ക്കാര് തയ്യാറാക്കുന്ന മെനുവാണ്.’ – സുരേന്ദ്രന് പറഞ്ഞു.
Discussion about this post