തിരുവനന്തപുരം: അശാസ്ത്രീയ നികുതി വര്ധനവാണ് പുതിയ ബഡ്ജറ്റിലൂടെ പ്രഖ്യാപിച്ചിരിക്കുന്നതെന്നും സാധാരണക്കാരെ പരിഗണിക്കാതുള്ള ബഡ്ജറ്റാണ് ധനമന്ത്രി അവതരിപ്പിച്ചതെന്നും പ്രതിപക്ഷ നേതാവ് വി.ഡി.സതീശന്.
വിലക്കയറ്റം രൂക്ഷമായിരിക്കുന്ന കാലത്ത് പെട്രോളിനും ഡീസലിനും ലിറ്ററിന് രണ്ട് രൂപ സെസ് ഏര്പ്പെടുത്തിയത് പ്രതിഷേധാര്ഹമാണ്. എണ്ണവില കുതിച്ചുയര്ന്ന കാലത്ത് കേന്ദ്ര സര്ക്കാരിനെതിരേ സമരം ചെയ്തവരാണ് ഇത്തരം പകല് കൊള്ള നടത്തുന്നത്.
247 ശതമാനം നികുതിയാണ് സംസ്ഥാനത്ത് നിലവില് മദ്യത്തിന് ഉപഭോക്താക്കള് നല്കുന്നത്. ഇത് വീണ്ടും വര്ധിപ്പിക്കാന് തീരുമാനിച്ച നടപടി മയക്കുമരുന്ന് ഉപയോഗം വര്ധിപ്പിക്കാന് ഇടയാക്കും. യാതൊരു പഠനവും നടത്താതെയാണ് സര്ക്കാര് എല്ലാ ബഡ്ജറ്റിലും മദ്യത്തിന് നികുതി വര്ധിപ്പിക്കുന്നതെന്നും പ്രതിപക്ഷ നേതാവ് കുറ്റപ്പെടുത്തി.
മുന്പ് ബഡ്ജറ്റില് പ്രഖ്യാപിച്ച ഇടുക്കി, കുട്ടനാട്, തീരദേശ പാക്കേജുകള് ഏത് സ്ഥിതിയിലാണെന്നും സംസ്ഥാനത്തിന്റെ യഥാര്ഥ സാമ്പത്തിക പ്രതിസന്ധി മറച്ചുവയ്ക്കാനുള്ള ശ്രമമാണ് ഉണ്ടായിരികുന്നതെന്നും അദ്ദേഹം പറഞ്ഞു.
നിലവില് സംസ്ഥാനത്ത് രൂക്ഷമായ വിലക്കയറ്റം നിലനില്ക്കുമ്പോള് വിപണി ഇടപെടലിന് തുക വര്ധിപ്പിക്കാന് സര്ക്കാര് തയാറായില്ല. ഇന്ധന സെസ് കൂടി വരുന്നതോടെ സംസ്ഥാനത്ത് അതിരൂക്ഷമായ വിലക്കയറ്റമുണ്ടാകുമെന്നും വി.ഡി.സതീശന് ഓര്മിപ്പിച്ചു.
Discussion about this post