കൊച്ചി: അരിക്കൊമ്പന് ദൗത്യത്തില് പങ്കെടുത്തവരെ അഭിനന്ദിച്ച് കേരള ഹൈക്കോടതി. ജസ്റ്റിസ് എ.കെ ജയശങ്കരന് നമ്പ്യാര് ദൗത്യസംഘാംഗങ്ങളെ അഭിനന്ദിച്ച് കത്ത് നല്കി. സുരക്ഷിതമായും സഹാനുഭൂതിയോടെയും സംഘാംഗങ്ങള് ദൗത്യം നിര്വ്വഹിച്ചത് മനുഷ്യത്വപരമായ അടയാളമാണെന്നും ദൗത്യസംഘത്തിന് വ്യക്തിപരമായ നന്ദിയും അഭിനന്ദനവും അറിയിക്കുന്നതായും ഹൈക്കോടതി കത്തില് വ്യക്തമാക്കി.
അതേസമയം തന്നെ ചിന്നക്കനാലിലേക്ക് ആന തിരികെ വരാന് സാധ്യത ഇല്ലേ എന്ന് കോടതി ചോദ്യമുയര്ത്തിയിരുന്നു. എന്നാല് അരിക്കൊമ്പന്റെ സഞ്ചാരം തമിഴ്നാട് മേഖലയിലേക്കാണെന്ന് വനംവകുപ്പ് മറുപടി നല്കി. റേഡിയോ കോളര് വഴി കൃത്യമായി നിരീക്ഷിക്കുന്നുണ്ടെന്നും വനംവകുപ്പ് കോടതിയില് അറിയിച്ചു. കൂടാതെ നിരീക്ഷണം ശക്തമാക്കണമെന്നും കോടതി നിര്ദേശിച്ചു.
Discussion about this post