വിഷു ബമ്പര്‍ ലോട്ടറിയുടെ ഫലം പ്രഖ്യാപിച്ചു

തിരുവനന്തപുരം: വിഷു ബമ്പര്‍ ലോട്ടറിയുടെ ഫലം പ്രഖ്യാപിച്ചു. 12 കോടിയുടെ ഒന്നാം സമ്മാനം VE 475588 ടിക്കറ്റിനാണ്. രണ്ടാം സമ്മാനം ഒരു കോടി രൂപ വീതം ആറുപേര്‍ക്കാണ് ലഭിക്കുന്നത്. രണ്ടാം സമ്മാനം നേടിയ ടിക്കറ്റ് നമ്പറുകള്‍ – VA 513003, VB 678985, VC 743934, VD 175757, VE 797565, VG 642218. മലപ്പുറം തിരൂരില്‍ വിറ്റ ടിക്കറ്റിനാണ് ഒന്നാംസമ്മാനം ലഭിച്ചത്. ആദര്‍ശ് സി.കെ. എന്ന ഏജന്റാണ് ഈ ടിക്കറ്റ് വിറ്റത്. ഏജന്‍സി നമ്പര്‍ M5087.

ബുധനാഴ്ച ഉച്ചയ്ക്കാണ് നറുക്കെടുപ്പ് നടന്നത്. തുകയുടെ 10 ശതമാനം ഏജന്‍സി കമ്മീഷനായി പോകും. ശേഷിക്കുന്ന തുകയില്‍ 30 ശതമാനം നികുതി കഴിഞ്ഞുള്ള തുക ജേതാവിന് ലഭിക്കും. 300 രൂപയായിരുന്നു ടിക്കറ്റ് വില.