കൊച്ചി: മോന്സണ് മാവുങ്കല്‍ പ്രതിയായ പുരാവസ്തുകേസില്‍ തനിക്ക് യാതൊരു പങ്കുമില്ലെന്ന് കെ പി സി സി പ്രസിഡന്റ് കെ സുധാകരന്. പരാതിക്കാരനുമായി ഒരു ബന്ധവുമില്ലെന്നുമാത്രമല്ല ആര്‍ക്കും വാഗ്ദാനവും നല്‍കിയിട്ടില്ല – അദ്ദേഹം മാദ്ധ്യമങ്ങളോട് പറഞ്ഞു.
ചികിത്സയ്ക്കായാണ് മോന്സണ് മാവുങ്കലിനെ കണ്ടത്, താന്‍ മാത്രമല്ല പല പ്രമുഖരും ഇയാളുടെ അടുത്ത് പോയിരുന്നുവെന്നും സുധാകരന് വ്യക്തമാക്കി. കേസില്‍ പ്രതിചേര്‍ത്തെന്ന് കാണിച്ചുള്ള നോട്ടീസ് മൂന്ന് ദിവസം മുമ്പാണ് ലഭിച്ചത്. നാളെ ക്രൈം ബ്രാഞ്ചിന് മുന്നില്‍ ഹാജരാകാന്‍ സാധിക്കില്ല. മുഖ്യമന്ത്രി പിണറായി വിജയന്‍ അടക്കമുള്ളവര്‍ നടത്തിയ ഗൂഢാലോചനയാണ് തനിക്കെതിരെയുള്ള ഈ കേസെന്നും സുധാകരന് ആരോപിച്ചു.
കേസില്‍ സുധാകരനെ രണ്ടാം പ്രതിയാക്കി ക്രൈം ബ്രാഞ്ച് കഴിഞ്ഞ ദിവസം എറണാകുളം എ.സി.ജെ.എം കോടതിയില്‍ റിപ്പോര്‍ട്ട് സമര്‍പ്പിച്ചിരുന്നു. ക്രൈംബ്രാഞ്ചിന്റെ കളമശേരി ഓഫീസില്‍ നാളെ ചോദ്യം ചെയ്യലിന് ഹാജരാകാന്‍ സുധാകരന് നോട്ടീസും നല്‍കിയിട്ടുണ്ട്. കേസില്‍ സുധാകരന് പിന്നാലെ മുന്‍ ഐ ജി ലക്ഷ്മണനെയും മുന്‍ ഡി ഐ ജി സുരേന്ദ്രനെയും പ്രതിചേര്‍ത്തു. ഇവര്‍ക്കെതിരെയും വഞ്ചനാക്കുറ്റമാണ് ചുമത്തിയാണ് കേസെടുത്തിട്ടുള്ളത്
മോന്സണ് പത്ത് കോടിയോളം രൂപ പല ഘട്ടങ്ങളിലായി തട്ടിയെടുത്തെന്ന് കോഴിക്കോട് മാവൂര്‍ ചെറുവാടി യാക്കൂബ് പുരയില്‍, അനൂപ് വി.അഹമ്മദ്, എം.ടി.ഷമീര്‍, സിദ്ധിഖ് പുരയില്‍, ഇ.എ.സലിം, ഷാനിമോന്‍ എന്നിവര്‍ നല്‍കിയ പരാതിയിലാണ് 2021 സെപ്തംബറില്‍ ക്രൈംബ്രാഞ്ച് കേസെടുത്തത്. സുധാകരന്റെ സാന്നിദ്ധ്യത്തില്‍ താന്‍ 25 ലക്ഷം രൂപ മോന്സണ് നല്‍കിയെന്ന് അനൂപ് എന്ന വ്യക്തി മൊഴിയുണ്ട്. ഈ തുകയില്‍ പത്ത് ലക്ഷം രൂപ സുധാകരന് കൈമാറുന്നത് കണ്ടെന്നാണ് മോന്‍സണിന്റെ മുന്‍ ഡ്രൈവര്‍ അജിത്തും ജീവനക്കാരായ ജെയ്സണും ജോഷിയും മൊഴി നല്‍കിയത്.
Discussion about this post