തിരുവനന്തപുരം: കുട്ടികളില് പൗരബോധം വളര്ത്തുന്ന തരത്തില് പാഠ്യപദ്ധതി തയ്യാറാക്കുന്നതിനെക്കുറിച്ച് ആലോചിക്കുന്നതായി പൊതുവിദ്യാഭാസ വകുപ്പ് മന്ത്രി വി ശിവന്കുട്ടി. പാറശാല മണ്ഡലത്തിലെ സ്കൂളുകളിലെ വിവിധ പദ്ധതികള് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. ബഹുസ്വരമായ ഒരു സമൂഹത്തില് മതനിരപേക്ഷത, ജനാധിപത്യം തുടങ്ങിയ നിലപാടുകള് ഉയര്ത്തിപ്പിടിക്കുന്ന ഒരു സമൂഹത്തെ വളര്ത്തിക്കൊണ്ടുവരാന് സ്കൂള് വിദ്യാഭ്യാസത്തിന് കഴിയണമെന്ന് അദ്ദേഹം പറഞ്ഞു. അതിനെല്ലാമുള്ള സാമൂഹികമായ അന്തരീക്ഷം വികസിപ്പിക്കാനുള്ള അവസ്ഥ ഉണ്ടാകണം. ഇതിനെല്ലാം പുതിയ പ്രായോഗിക പദ്ധതികള് സമൂഹത്തിന്റെ പിന്ബലത്തോടെ കൂടി രൂപീകരിക്കാന് കഴിയണം. അതിനുള്ള പ്രവര്ത്തനത്തിലാണ് പൊതുവിദ്യാഭ്യാസ വകുപ്പെന്നും അദ്ദേഹം പറഞ്ഞു.
മണ്ഡലത്തിലെ വെള്ളറട ജി.യു.പി.എസ്, മൈലച്ചല് ജി.എച്ച്.എസ്.എസ്, എന്നീ സ്കൂളുകളില് പുതിയ മന്ദിരങ്ങളുടെ നിര്മ്മാണോദ്ഘാടനവും പെരുങ്കടവിള എല്.പി.ബി.എസ്, പാറശാല ടൗണ് എല് പി എസ്, ആലത്തോട്ടം ജി എല് പി എസ് എന്നീ സ്കൂളുകളില് പുതിയ മന്ദിരങ്ങളുടെ ഉദ്ഘടനവുമാണ് മന്ത്രി നിര്വഹിച്ചത്. ചടങ്ങുകളില് സി. കെ ഹരീന്ദ്രന് എം എല് എ അധ്യക്ഷത വഹിച്ചു.
പൊതു വിദ്യാഭ്യാസ വകുപ്പിന്റെ വാര്ഷിക പദ്ധതിയില് ഉള്പ്പെടുത്തി ഒരു കോടി രൂപ അടങ്കലിലാണ് പെരുങ്കടവിള ഗവ.എല്.പി.ബി.സ്കൂളില് പുതിയ മന്ദിരം പണിതുയര്ത്തിയത്. പാറശ്ശാല ഗ്രാമപഞ്ചായത്തിലെ ഗവ. എല്.പി.ജി സ്കൂളില് പൊതുവിദ്യാഭ്യാസ വകുപ്പിന്റെ 2022-2023 വാര്ഷിക പദ്ധതിയില് ഉള്പ്പെടുത്തി 50 ലക്ഷം രൂപ ചെലവിലാണ് പുതിയ കെട്ടിടത്തിന്റെ പണി പൂര്ത്തീകരിച്ചത്. 50 ലക്ഷം രൂപ ചെലവിലാണ് പാറശ്ശാല ഗ്രാമപഞ്ചായത്തിലെ ഗവ.എല്.പി.എസ് ആലത്തോട്ടം സ്കൂളില് പുതിയ മന്ദിരം പണിതത്.
കിഫ്ബി ഫണ്ടില് ഉള്പ്പെടുത്തിയാണ് ആര്യന്കോട് ഗ്രാമ പഞ്ചായത്തിലെ മൈലച്ചല് ഹയര്സെക്കന്ററി സ്കൂളില് പുതിയ ബഹുനില കെട്ടിടം പണിയുന്നത്. 1 കോടി 36 ലക്ഷം രൂപയാണ് ബജറ്റ്. വെള്ളറട ഗവ യു.പി സ്കൂളില് പൊതുവിദ്യാഭ്യാസ വകുപ്പിന്റെ വാര്ഷിക പദ്ധതിയില് ഉള്പ്പെടുത്തി ഒരു കോടി രൂപ ചെലവഴിച്ചാണ് പുതിയ കെട്ടിടം പണിയുന്നത്.
Discussion about this post