പത്തനംതിട്ട: ആര്എസ്എസ് മുതിര്ന്ന പ്രചാരകന് എസ് സേതുമാധവന് എന് എസ് എസ് ജനറല് സെക്രട്ടറി ജി സുകുമാരന് നായരുമായി കൂടിക്കാഴ്ച നടത്തി. ചങ്ങനാശേരി എന് എസ് എസ് ആസ്ഥാനത്ത് വച്ചായിരുന്നു കൂടിക്കാഴ്ച. വി എച്ച് പി സംസ്ഥാന അദ്ധ്യക്ഷന് വിജി തമ്പി, അയ്യപ്പ സേവാ സമാജം പ്രതിനിധി എസ് ജെ ആര് കുമാര് തുടങ്ങിയവരും കൂടിക്കാഴ്ചയില് പങ്കെടുത്തു.
സ്പീക്കര് എ എന് ഷംസീറിന്റെ വിവാദ പരാമര്ശത്തിനെതിരെ നടക്കുന്ന പ്രതിഷേധത്തിന്റെ പശ്ചാത്തലത്തിലാണ് കൂടിക്കാഴ്ച നടത്തിയത്. എ എന് ഷംസീറിന്റെ പരാമര്ശത്തില് എന് എസ് എസ് സര്ക്കാര് നിലപാട് തേടിയിട്ടുണ്ടെങ്കിലും അക്കാര്യത്തില് മറുപടി ലഭിച്ചിട്ടില്ല. തിരുവനന്തപുരത്ത് എന് എസ് എസിന്റെ നേതൃത്വത്തില് നടത്തിയ നാമജപയാത്രയില് ആര് എസ് എസ് അടക്കമുള്ള സംഘടനകളും ഭാഗമായിരുന്നു.
അതേസമയം, ഗണപതി ക്ഷേത്രങ്ങളിലേയ്ക്ക് എന് എസ് എസ് നടത്തിയ നാമജപയാത്രയ്ക്കെതിരെ പൊലീസ് കേസെടുത്തുത്തിരുന്നു. എന് എസ് എസ് വൈസ് പ്രസിഡന്റ് സംഗീത് കുമാറാണ് കേസില് ഒന്നാം പ്രതി. ആയിരത്തിലധികം പേര്ക്കെതിരെയാണ് കേസ് എടുത്തിരിക്കുന്നത്. കന്റോണ്മെന്റ് പൊലീസാണ് കേസെടുത്തത്. ഫോര്ട്ട് പൊലീസും കേസെടുത്തിട്ടുണ്ട്.
പൊലീസിന്റെ നിര്ദേശം ലംഘിച്ച് അന്യായമായി സംഘം ചേര്ന്നു, മൈക്ക് സെറ്റ് പ്രവര്ത്തിപ്പിച്ചു, കാല്നടയാത്രക്കാര്ക്കും വാഹനഗതാഗതത്തിനും തടസമുണ്ടാക്കി എന്നീ കാര്യങ്ങളാണ് എഫ് ഐ ആറില് പറയുന്നത്. അതേസമയം, കേസിനെതിരെ എന് എസ് എസ് ജനറല് സെക്രട്ടറി ജി സുകുമാരന് നായര് രംഗത്തുവന്നു. ഇങ്ങനെയാണെങ്കില് മുഴുവന് വിശ്വാസികള്ക്കെതിരായും കേസ് എടുക്കേണ്ടി വരുമെന്ന് സുകുമാരന് നായര് പ്രതികരിച്ചു. വിശ്വാസ പ്രശ്നത്തിലെ പ്രതിഷേധത്തില് നിന്ന് പിന്നോട്ടില്ലെന്നും അദ്ദേഹം വ്യക്തമാക്കി.
Discussion about this post