തിരുവനന്തപുരം: സംസ്ഥാന സര്ക്കാരിന്റെ ലക്ഷ്യപ്രാപ്തിയുടെ പ്രതീകമാണ് വിഴിഞ്ഞം തുറമുഖമെന്ന് ഇടത് മുന്നണി കണ്വീനര് ഇ.പി.ജയരാജന്. കേരളത്തിന്റെ സമഗ്രവികസനത്തിന് സഹായകമായ പദ്ധതിയാണിതെന്നും ജയരാജന് പറഞ്ഞു.
ഞായറാഴ്ച പദ്ധതി കേരളത്തിന് സമര്പ്പിക്കുമ്പോള് ജനങ്ങള് ആ സന്തോഷത്തില് പങ്കാളികളാകണം. കേരളത്തിന്റെ വടക്ക് ഭാഗത്തുള്ളവര്ക്ക് ഉദ്ഘാടനപരിപാടി നേരിട്ട് കാണാന് സാധിച്ചെന്ന് വരില്ല. അതുകൊണ്ട് ദൃശ്യമാധ്യമങ്ങളിലൂടെ ഇതില് പങ്കുചേര്ന്ന് പരിപാടിക്ക് വിജയമാശംസിക്കണം. മിഠായി വിതരണം ചെയ്തും പടക്കം പൊട്ടിച്ചും പുഷ്പങ്ങള് വിതറിയും പരിപാടി ആഘോഷമാക്കണമെന്നും ജയരാജന് കൂട്ടിച്ചേര്ത്തു. വിഴിഞ്ഞം പദ്ധതി വരുന്നതിലൂടെ കാര്ഷിക മേഖലയ്ക്ക് വലിയ വളര്ച്ചയുണ്ടാകും. കാര്ഷിക മേഖലയിലെ ഉത്പന്നങ്ങള് കയറ്റുമതി ചെയ്യാന് കഴിയും. ഇതോടെ കാര്ഷിക മേഖലയ്ക്കും ഉണര്വും ഉത്തേജനവും ലഭിക്കുമെന്നും ജയരാജന് പറഞ്ഞു.
Discussion about this post