തിരുവനന്തപുരം: സംസ്ഥാനത്ത് 24മണിക്കൂറില് 265 പേര്ക്ക് കൂടി കൊവിഡ് സ്ഥിരീകരിച്ചു. കൊവിഡ് ബാധിച്ച് ഒരാള് മരിച്ചെന്നും ആരോഗ്യമന്ത്രാലയം അറിയിച്ചു. നിലവില് 2606 ആക്ടീവ് കേസുകളാണ് ഉള്ളത്. രാജ്യത്താകെ 24 മണിക്കൂറിനിടെ 328 കേസുകളാണ് റിപ്പോര്ട്ട് ചെയ്തത്. അതില് 265 ഉം കേരളത്തിലാണ്. 2997 ആണ് രാജ്യത്തെ ആക്ടീവ് കേസുകള്.
രാജ്യത്ത് ജെഎഎന് വണ് കൊവിഡ് കേസുകളുടെ എണ്ണത്തില് വര്ദ്ധനവുണ്ടാകുന്ന സാഹചര്യത്തില് ജാഗ്രത പാലിക്കണമെന്ന് കേന്ദ്ര ആരോഗ്യ വകുപ്പ് അറിയിച്ചു. ഇന്നലെ 24 മണിക്കൂറിനുള്ളില് 358 പുതിയ കേസുകളാണ് റിപ്പോര്ട്ട് ചെയ്തത്. മൂന്ന് മരണം കൂടി ഇന്നലെ റിപ്പോര്ട്ട് ചെയ്തിരുന്നു.
അയല് സംസ്ഥാനമായ കര്ണാടകയില് 105 പേര്ക്കാണ് കൊവിഡ് സ്ഥിരീകരിച്ചത്. രോഗം തടയാന് കേന്ദ്രവും സംസ്ഥാനങ്ങളും സംയുക്തമായ ശ്രമം നടത്തണമെന്നും, രോഗ ലക്ഷണങ്ങള് കാണുന്നവരെ നിരീക്ഷിക്കാനും തീവ്രമായി രോഗം ബാധിക്കുന്നവര്ക്ക് യഥാസമയം വേണ്ട ചികിത്സ ലഭ്യമാക്കണമെന്നും കേന്ദ്ര സര്ക്കാര് നിര്ദേശം നല്കിയിട്ടുണ്ട്. കൂടുതല് പരിശോധന നടത്താന് ഉന്നതതല യോഗത്തില് സംസ്ഥാനങ്ങളോട് കേന്ദ്രമന്ത്രി നിര്ദേശിച്ചിരുന്നു.
Discussion about this post