പത്തനംതിട്ട: മകരവിളക്ക് തീര്ഥാടനത്തിനായി ശബരിമല നട ശനിയാഴ്ച തുറക്കും. വൈകുന്നേരം അഞ്ചിനാണ് നട തുറക്കുക. തന്ത്രി കണ്ഠര് മഹേഷ് മോഹനരുടെ മുഖ്യ കാര്മികത്വത്തില് മേല്ശാന്തി പി.എന്. മഹേഷ് നമ്പൂതിരി നട തുറക്കും.
ആഴിയില് അഗ്നി പകരുന്നതോടെ തീര്ഥാടകര്ക്ക് ദര്ശനം ചെയ്യാം. നേരത്തെ, മണ്ഡലപൂജകള്ക്ക് ശേഷം 27 ന് രാത്രി നട അടച്ചിരുന്നു. ജനുവരി 12ന് ആണ് എരുമേലി പേട്ട തുള്ളല്. തിരുവാഭരണ ഘോഷയാത്ര 13ന് വലിയ കോയിക്കല് ക്ഷേത്രത്തില് നിന്നും പുറപ്പെടും. 15ന് ആണ് മകരവിളക്ക്.
അതേസമയം, മകരവിളക്ക് ഉത്സവത്തിന് പമ്പ മുതല് സന്നിധാനം വരെ അയ്യപ്പന്മാര്ക്ക് തിരുവിതാംകൂര് ദേവസ്വം ബോര്ഡ് കൂടുതല് സൗകര്യങ്ങള് ഒരുക്കി. തീര്ഥാടകര്ക്ക് ക്യൂ കോംപ്ലക്സിലും നടപ്പന്തലിലും ഫാനുകളും ഔഷധ കുടിവെള്ളവും സജ്ജമാക്കി. കൂടുതല് വെളിച്ചവും വലിയ നടപ്പന്തലില് കുടുതല് ഫാനും സജ്ജമാക്കിയിട്ടുണ്ട്.
Discussion about this post