തിരുവനന്തപുരം: സംസ്ഥാനത്ത് കൊടുംവേനലില് രണ്ടു ജില്ലകളില് ആശ്വാസമായി മഴയ്ക്ക് സാധ്യത. ഇന്നും തിങ്കളാഴ്ചയും ആലപ്പുഴ, എറണാകുളം ജില്ലകളില് നേരിയ മഴയ്ക്ക് സാധ്യതയുണ്ടെന്നാണ് കേന്ദ്ര കാലാവസ്ഥാ വകുപ്പ് അറിയിച്ചത്.
അതേസമയം ഉയര്ന്ന താപനില അനുഭവപ്പെടുന്നതിനാല് ഇന്ന് ആറ് ജില്ലകളില് യെല്ലോ അലര്ട്ട് പ്രഖ്യാപിച്ചിട്ടുണ്ട്. പാലക്കാട്, കൊല്ലം, കോട്ടയം, കോഴിക്കോട്, തൃശൂര്, കാസര്ഗോഡ് ജില്ലകളില് കടുത്ത ചൂടിനാണ് സാധ്യത. ഒന്നാംഘട്ട അലര്ട്ടായ യെല്ലോ അലര്ട്ടാണ് ഇവിടങ്ങളില് പുറപ്പെടുവിച്ചിരിക്കുന്നത്.
