വയനാട്: ഉരുള്പൊട്ടലുണ്ടായ മേഖലയിലെ ഉപഭോക്താക്കളില് നിന്നും രണ്ടു മാസത്തേക്ക് വൈദ്യുതി ചാര്ജ് ഈടാക്കില്ലെന്ന് മന്ത്രി കെ. കൃഷ്ണന്കുട്ടി. ബന്ധപ്പെട്ട ഉദ്യോഗസ്ഥര്ക്ക് ഇതു സംബന്ധിച്ച് നിര്ദേശം നല്കിയതായി മന്ത്രി അറിയിച്ചു.
ഈ ഉപഭോക്താക്കള്ക്ക് നിലവില് വൈദ്യുതി ചാര്ജ് കുടിശിക ഉണ്ടെങ്കില് അത് ഈടാക്കാന് നടപടി ഉണ്ടാകരുതെന്ന് നിര്ദേശം നല്കിയിട്ടുണ്ട്. ദുരന്ത മേഖലയിലെ 1139 ഉപഭോക്താക്കള്ക്ക് ഇതിന്റെ പ്രയോജനം ലഭിക്കുമെന്നും അദ്ദേഹം വ്യക്തമാക്കി.
ഇതില് 385ഓളം വീടുകള് പൂര്ണമായും തകര്ന്നു പോയതായി കെഎസ്ഇബി കണ്ടെത്തിയിട്ടുണ്ട്. മേപ്പാടി പഞ്ചായത്തിലെ 10, 11, 12 വാര്ഡുകളില് ഉള്പ്പെടുന്ന കെഎസ്ഇബിയുടെ ചൂരല്മല എക്സ്ചേഞ്ച്, ചൂരല്മല ടവര്, മുണ്ടക്കൈ, കെ.കെ. നായര്, അംബേദ്കര് കോളനി, അട്ടമല, അട്ടമല പമ്പ് എന്നീ മേഖലകളിലെ ട്രാന്സ്ഫോര്മറുകളില് ഉള്പ്പെടുന്ന ഉപഭോക്താക്കള്ക്കാണ് അടുത്ത രണ്ടു മാസം വൈദ്യുതി സൗജന്യമായി നല്കുന്നത്.
