തിരുവനന്തപുരം: ദ്വിദിന സന്ദര്ശനത്തിനായി ഉപരാഷ്ട്രപതി സി.പി. രാധാകൃഷ്ണന് ഇന്ന് കേരളത്തിലെത്തും. തിരുവനന്തപുരത്ത് നിന്ന് ഉച്ചയ്ക്ക് ഹെലികോപ്റ്റര് മാര്ഗം കൊല്ലത്ത് എത്തുന്ന ഉപരാഷ്ട്രപതി ഫാത്തിമ മാതാ നാഷണല് കോളേജിന്റെ ജൂബിലി ആഘോഷം ഉദ്ഘാടനം ചെയ്യും.
ഗവര്ണര് രാജേന്ദ്ര വിശ്വനാഥ അര്ലേക്കര്, കേന്ദ്രമന്ത്രി സുരേഷ് ഗോപി, മന്ത്രി കെ.എന്.ബാലഗോപാല് തുടങ്ങിയവരും ചടങ്ങില് പങ്കെടുക്കും. തുടര്ന്ന് ഫെഡറേഷന് ഓഫ് ഇന്ത്യന് കയര് എക്സ്പോര്ട്ടേഴ്സ് അസോസിയേഷന് അംഗങ്ങളുമായി ഉപരാഷ്ട്രപതി സംവദിക്കും.
ചൊവ്വാഴ്ച തിരുവനന്തപുരത്ത് ശ്രീ ചിത്തിര തിരുനാള് ഇന്സ്റ്റിറ്റ്യൂട്ട് ഫോര് മെഡിക്കല് സയന്സസ് ആന്ഡ് ടെക്നോളജിയും ഉപരാഷ്ട്രപതി സന്ദര്ശിക്കും. ഉപരാഷ്ട്രപതിയായ ശേഷമുള്ള സി.പി രാധാകൃഷ്ണന്റെ ആദ്യ കേരള സന്ദര്ശനമാണിത്.
