തിരുവനന്തപുരം: കാര്‍ഷിക മേഖലയിലെ ഗവവേഷണ ഫലങ്ങള്‍ കര്‍ഷകരിലേയ്ക്ക് എത്തിയ്ക്കാന്‍ സാധിച്ചാല്‍ കാര്‍ഷിക രംഗം മെച്ചപ്പെടുമെന്നും ഈ മേഖലയില്‍ പ്രവര്‍ത്തിക്കുന്ന ശാസ്ത്രജ്ഞരുടെ ലക്ഷ്യം അതായിരിക്കണമെന്നും മുഖ്യമന്ത്രി പിണറായി വിജയന്‍. ഡോ.എന്‍.പി.കുമാരി സുഷമ സ്മാരക പുരസ്‌കാര വിതരണവും യു.ജി.അക്കാദമിക് ബ്ലോക്ക്, സസ്യരോഗ നിര്‍ണയ ലബോറട്ടറി എന്നിവയുടെ ഉദ്ഘാടനവും വെളളയാണി കാര്‍ഷിക ഗവേഷണ കേന്ദ്രത്തില്‍ നിര്‍വ്വഹിക്കുകയായിരുന്നു അദ്ദേഹം.
സംസ്ഥാനത്തെ വികസനത്തെ കുറിക്കുമ്പോള്‍ കാര്‍ഷിക മേഖല ഒഴിച്ചുള്ള ഒരു വികസനം സാധ്യമല്ലെന്ന് മുഖ്യമന്ത്രി പറഞ്ഞു. കര്‍ഷകര്‍ അഭിമുഖീകരിക്കുന്ന പ്രശ്‌നങ്ങളെക്കുറിച്ച് കാര്‍ഷിക സര്‍വ്വകലാശാല വിശദമായ പരിശോധന നടത്തണമെന്ന് മുഖ്യമന്ത്രി ആവശ്യപ്പെട്ടു. കാര്‍ഷിക മേഖലയിലെ അമിതമായ കീടനാശിനി പ്രയോഗം പലമാരകമായ രോഗങ്ങളിലേയ്ക്ക് നയിക്കുകയാണെന്നും ഗവേഷകരുടെയും കര്‍ഷകരുടെയും കൂട്ടായ ശ്രമങ്ങള്‍ കൊണ്ട് മാത്രമേ ഇതിന് ഒരു പരിഹാരം കാണാന്‍ സാധിക്കുകയുളളു എന്നും അദ്ദേഹം പറഞ്ഞു.
കാര്‍ഷിക വികസന കര്‍ഷകക്ഷേമ വകുപ്പ് മന്ത്രി വി.എസ്.സുനില്‍ കുമാര്‍ അദ്ധ്യക്ഷനായിരുന്നു. എം.വിന്‍സെന്റ് എം.എല്‍.എ, ജില്ലാ പഞ്ചായത്ത് പ്രസിഡന്റ് വി.കെ.മധു, കല്ലിയൂര്‍ ഗ്രാമ പഞ്ചായത്ത് പ്രസിഡന്റ് ആര്‍.ജയലക്ഷ്മി കാര്‍ഷിക സര്‍വ്വകലാശാല വൈസ് ചാന്‍സിലര്‍ പ്രൊഫ.പി.രാജേന്ദ്രന്‍, കോളേജ് ഡീന്‍ ബി.ആര്‍. രഘുനാഥ് തുടങ്ങിയവര്‍ പങ്കെടുത്തു.
Discussion about this post