തിരുവനന്തപുരം: സംസ്ഥാന സർവവിജ്ഞാനകോശം ഇൻസ്റ്റിറ്റ്യൂട്ടും തിരുവനന്തപുരം വനിതാ കോളേജും സംയുക്തമായി സംഘടിപ്പിക്കുന്ന അക്കാദമിക രചനാശില്പശാല കവ മധുസൂദനൻ നായർ ഉദ്ഘാടനം ചെയ്തു. വനിതാകോളേജ് സെമിനാർ ഹാളിൽ നടന്ന പരിപാടിയിൽ കോളേജ് പ്രിൻസിപ്പാൾ ഡോ. അനുരാധ വി.കെ. അധ്യക്ഷയായി. സർവവിജ്ഞാനകോശം ഡയറക്ടർ ആമുഖപ്രഭാഷണവും പ്രോഗ്രാം ആൽബം പ്രകാശനവും നിർവഹിച്ചു. കാലടി സർവകലാശാല മുൻ പ്രൊ വൈസ് ചാൻസലർ ഡോ. കെ.എസ്. രവികുമാർ, ആർ. അനിരുദ്ധൻ, ഡോ. ഷൂബ, ജയന്തികുമാരി ആർ, പി. പ്രവീൺ എന്നിവർ സംസാരിച്ചു. യുജിസ് നെറ്റ്-ജെആർഎഫ് ജേതാക്കൾക്കുള്ള അനുമോദനവും മധുസൂദനൻ നായർ നിർവഹിച്ചു.
തുടർന്ന് വിവിധ വിഷയങ്ങളിൽ നടന്ന സെമിനാർ സെഷനുകളിൽ കേരളപഠനവിഭാഗം പോസ്റ്റ് ഡോക്ടറൽ ഫെലോ ഡോ. എസ്. ഹരികൃഷ്ണൻ, അഡ്വാൻസ്ഡ് സ്റ്റഡീസ് ഫോർ റീജനറേറ്റീവ് മെഡിസിൻ ഡയറക്ടർ ഡോ. ശ്രീജിത്ത് പരമേശ്വര പണിക്കർ, കേരള സർവകലാശാല അസിസ്റ്റന്റ് പ്രൊഫസർ ഡോ. സവിത പിള്ള എസ്. എന്നിവർ പ്രബന്ധങ്ങളവതരിപ്പിച്ചു. ലിൻസ കെ.എൻ., രാജേഷ്‌കുമാർ എസ്, ഡോ. സജീവ് കുമാർ എസ്. എന്നിവർ മോഡറേറ്ററായി. ചൊവ്വാഴ്ച ഡോ. ജോസഫ് ആന്റണി, ജോ. ലീന മേരി, ഡോ. എസ്. നൗഷാദ്, ഡോ. എ. ബിജുകുമാർ, ഡോ. ലാൽ മോഹൻ പി, ഡോ. എം.എ. സിദ്ധിഖ് എന്നിവർ വിഷയങ്ങളവതരിപ്പിക്കും. ശില്പശാല ബുധനാഴ്ച സമാപിക്കും.
Discussion about this post