തിരുവനന്തപുരം: ഇക്കൊല്ലത്തെ എസ്.എസ്.എല്.സി പരീക്ഷാഫലം പ്രഖ്യാപിച്ചു. 93.64 ആണ് വിജയശതമാനം. വിദ്യാഭ്യാസമന്ത്രി പി.കെ.അബ്ദുറബ്ബാണ് ഫലപ്രഖ്യാപനം നടത്തിയത്. വിജയശതമാനം സര്വകാല റെക്കോഡാണെന്ന് മന്ത്രി പറഞ്ഞു. മോഡറേഷന് നല്കിയിട്ടില്ല. 2758 കേന്ദ്രങ്ങളിലായി 4,69,919 പേരാണ് പരീക്ഷയെഴുതിയത്. പ്രൈവറ്റായി പരീക്ഷയെഴുതിയവരുടെ വിജയശതമാനവും ഇക്കുറി റെക്കോഡിലെത്തി. 81.16 ആണ് പ്രൈവറ്റ് വിദ്യാര്ഥികളുടെ വിജയശതമാനം. മുന്വര്ഷം ഇത് 43.36 ശതമാനം മാത്രമായിരുന്നു. ഗള്ഫ് മേഖലയില് പരീക്ഷയെഴുതിയവരില് 99 ശതമാനവും ലക്ഷദ്വീപില് 69 ശതമാനവും കുട്ടികള് വിജയിച്ചു. 711 സ്കൂളുകള് നൂറുമേനി വിജയം കൊയ്തു. 6995 വിദ്യാര്ഥികള് എല്ലാ വിഷയത്തിനും എ പ്ലസ് നേടി.
210 സര്ക്കാര് സ്കൂളുകള് നൂറ് ശതമാനം വിജയം നേടി. 248 എയ്ഡഡ് സ്കൂളും 253 അണ് എയ്ഡഡ് സ്കൂളും നൂറ് ശതമാനം വിജയം നേടി. ഏറ്റവും കൂടുതല് വിജയശതമാനം കണ്ണൂര് ജില്ലയിലും കുറവ് വിജയശതമാനം പാലക്കാട് ജില്ലയിലുമാണ്.
Discussion about this post