ന്യൂഡല്‍ഹി: ദേശീയ ചലച്ചിത്ര അവാര്‍ഡ് ദാന ചടങ്ങ് വെള്ളിയാഴ്ച നടക്കും. ഡല്‍ഹി വിഗ്യാന്‍ഭവനില്‍ വൈകിട്ട് അഞ്ചരയ്ക്ക് നടക്കുന്ന ചടങ്ങിലാണ് രാഷ്ട്രപതി പ്രതിഭ പാട്ടീല്‍ പുരസ്‌കാരങ്ങള്‍ വിതരണം ചെയ്യുന്നത്. മികച്ച ചിത്രമായി തിരഞ്ഞെടുക്കപ്പെട്ട കുട്ടിസ്രാങ്കിന് സുവര്‍ണ കമലം ഉള്‍പ്പടെ അഞ്ച് അവാര്‍ഡുണ്ട്. ഈ ചിത്രത്തിലൂടെ അഞ്ജലി ശുക്ല ഛായാഗ്രഹണത്തിനുള്ള ദേശീയ അവാര്‍ഡ് നേടുന്ന ആദ്യ വനിത എന്ന ബഹുമതിക്കും അര്‍ഹയാകും. അമിതാഭ് ബച്ചന്‍, അനന്യ ചാറ്റര്‍ജി എന്നിവര്‍ക്കാണ് മികച്ച നടനും നടിക്കുമുള്ള രജതകമലം ലഭിക്കുക. മികച്ച സംവിധായകനുള്ള പുരസ്‌കാരം ഋതുപര്‍ണഘോഷ് ഏറ്റുവാങ്ങും.
ദേശീയ ചലച്ചിത്ര അവാര്‍ഡ് വിതരണം ഇന്ന്‌
പുതിയ വാർത്തകൾ
Discussion about this post