തിരുവനന്തപുരം: ക്രിസ്മസ് പുതുവര്‍ഷം പ്രമാണിച്ച് ക്രമസമാധാനപാലനം ഉറപ്പുവരുത്തുന്നതിനായി തലസ്ഥാന നഗരത്തില്‍ വെള്ളിയാഴ്ച രാത്രി പോലീസ് നടത്തിയ മിന്നല്‍ പരിശോധനയില്‍ വിവിധ കേസുകളില്‍ ഉള്‍പ്പെട്ട് ഒളിവിലായിരുന്ന 120-ല്‍പ്പരം പേര്‍ പിടിയിലായി. മദ്യപിച്ച് വാഹനമോടിച്ച 160-ഓളം പേരും വിവിധ കേസുകളില്‍പ്പെട്ട് കോടതിയില്‍ ഹാജരാകാതെ മുങ്ങി നടന്നിരുന്ന വാറന്റ് കേസുകളിലെ പ്രതികളും പിടികിട്ടാപ്പുള്ളികളുമായ 120-ഓളം പേരെയും പിടികൂടിയിട്ടുണ്ട്.
സിറ്റി പോലീസ് കമ്മീഷണര്‍ ടി.ജെ.ജോസിന്റെ നിര്‍ദ്ദേശാനുസരണം ഡിസിപി. പുട്ട വിമലാദിത്യയുടെ നേതൃത്വത്തില്‍ കന്റോണ്‍മെന്റ് അസിസ്റന്റ് കമ്മീഷണര്‍ എം.ജി.ഹരിദാസ്, ഫോര്‍ട്ട് അസിസ്റന്റ് കമ്മീഷണര്‍ കെ.എസ്.സുരേഷ്കുമാര്‍, ശംഖുമുഖം അസിസ്റന്റ് കമ്മീഷണര്‍ കെ.എസ്.വിമല്‍ എന്നിവരുടെ നേതൃത്വത്തിലുള്ള സംഘമാണ് പ്രത്യേക പരിശോധനകള്‍ നടത്തിയത്.
Discussion about this post