തിരുവനന്തപുരം: ഹൈടെക് മോഷ്ടാവ് ബണ്ടിചോറിനെ കേരളത്തിന് കൈമാറുന്ന കാര്യത്തില് അനിശ്ചിതത്വം. കര്ണാടകയിലെ കേസുകള് ചൂണ്ടിക്കാട്ടിയാണ് പ്രതിയുടെ കൈമാറ്റം വൈകുന്നത്. ബണ്ടിച്ചോര് രക്ഷപ്പെടാന് ശ്രമിക്കുന്നതിനിടെ രണ്ടു പോലീസുകാരെ കുത്തി പരുക്കേല്പ്പിച്ചതായി ഇന്നലെ റിപ്പോര്ട്ടുണ്ടായിരുന്നു. കര്ണാടക തമിഴ്നാട് അതിര്ത്തിയില് ബണ്ടിച്ചോര് സഞ്ചരിച്ചിരുന്ന കാര് കര്ണ്ണാടക പോലീസ് തടഞ്ഞപ്പോള് പോലീസുകാരെ കുത്തി പരുക്കേല്പ്പിച്ചു. പിന്നീട് ടാക്സി കാറില് കര്ണാടകയിലേക്ക് രക്ഷപ്പെടാന് ശ്രമിച്ച ഇയാളെ പോലീസ് പിന്തുടര്ന്നു പിടിച്ചതായാണ് വിവരം.
അതേസമയം തിരുവനന്തപുരത്തു നിന്നും മോഷ്ടിച്ചതായി പറയപ്പെടുന്ന ആഡംബര കാര് കണ്ടെത്തിയതായും സൂചനയുണ്ട്. കര്ണ്ണാടക പോലീസാണ് ഇതു സംബന്ധിച്ച സന്ദേശം കേരള പോലീസിന് കൈമാറിയത്. കര്ണാടകയിലെ ഹൊസൂര് പുന ഹൈവേയില് വാഹനം കണ്ടെത്തിയതായാണ് കര്ണാടക പോലീസ് അറിയിച്ചിരിക്കുന്നത്. പട്ടത്തെ വിദേശമലയാളിയുടെ വീട്ടിലാണ് ബണ്ടിച്ചോര് മോഷണം നടത്തിയത്. മോഷണത്തിന് പിന്നില് അന്താരാഷ്ട്ര കുറ്റവാളി ബണ്ടിച്ചോര് എന്ന ദേവീന്ദര് സിങ് ആണെന്ന് പോലീസ് നേരത്തെ കണ്ടെത്തിയിരുന്നു.
റിമോട്ട് കണ്ട്രോള് ഗേറ്റ്, ബുള്ളറ്റ് പ്രൂഫ് ഗ്ലാസ്, നിരീക്ഷണ ക്യാമറകള് എന്നിവയുടെ സഹായത്തോടെ വന് സുരക്ഷാ കവചം തീര്ത്തിരുന്ന വീട്ടില് നിന്നു ഹൈടെക് രീതിയിലാണ് ഇയാള് മോഷണം നടത്തിയത്. ഡല്ഹി സ്വദേശിയായ ബണ്ടിച്ചോര് രാജ്യത്തെമ്പാടുമായി അഞ്ഞൂറിലേറെ മോഷണങ്ങള് നടത്തിയിട്ടുണ്ടെന്നാണ് വിവരം. വീട്ടില് സ്ഥാപിച്ചിരുന്ന നിരീക്ഷണ ക്യാമറയില് പതിഞ്ഞ ചിത്രത്തില് നിന്നാണ് മോഷ്ടാവിനെ തിരിച്ചറിഞ്ഞത്. ആഡംബര കാര് അടക്കം 30 ലക്ഷം രൂപയുടെ സാധനങ്ങള് കവര്ന്നത്. വീടിന്റെ മുന്വശത്തെ ചുവരില് സ്ഥാപിച്ചിരുന്ന ബുള്ളറ്റ് പ്രൂഫ് ഗ്ലാസ് ഇളക്കി മാറ്റി അകത്തു കടന്ന മോഷ്ടാവ് താക്കോല് സംഘടിപ്പിച്ചു റിമോട്ട് സംവിധാനമുള്ള ഗേറ്റ് തുറക്കുകയായിരുന്നു. തുടര്ന്നായിരുന്നു മോഷണം.
Discussion about this post