ആറന്മുള: ആറന്മുള വിമാനത്താവളത്തിനെതിരെ പൈതൃക ഗ്രാമകര്‍മസമിതിയും വിവിധ രാഷ്ട്രീയകക്ഷികളും സംയുക്തമായി നടത്തിവരുന്ന സമരം ഇന്ന് നൂറുദിവസം പിന്നിടുന്നു. 100 ദിവസവും ആറന്മുളയില്‍ സത്യഗ്രഹസമരമാണ് നടന്നുവന്നത്.
സമരത്തിന്റെ 100-ാം ദിവസമായ ഇന്ന് സത്യഗ്രഹമനുഷ്ഠിക്കുന്നവര്‍ മൂന്നു സ്ഥലങ്ങളില്‍ നിന്നു പ്രകടനമായെത്തി ഐക്കര ജംഗ്ഷനില്‍ ഒത്തുചേരും. തുടര്‍ന്ന് 100 സ്ഥലങ്ങളില്‍ നിന്നും 100 സംഘടനകളില്‍ നിന്നുമെത്തുന്ന സത്യഗ്രഹികള്‍ വിളക്കു തെളിച്ച് വിമാനത്താവള വിരുദ്ധ പ്രതിജ്ഞയെടുക്കും. സുഗതകുമാരിയടക്കമുള്ള സമരസമിതി നേതാക്കളും സമരപ്പന്തലിലെത്തി ചടങ്ങില്‍ പങ്കെടുക്കും. അതേസമയം വിമാനത്താവളത്തെ എതിര്‍ക്കുന്ന രാഷ്ട്രീയകക്ഷി കേന്ദ്രത്തില്‍ അധികാരത്തിലെത്തിയതും സമരക്കാരെ ഊര്‍ജ്ജസ്വലരാക്കിയിട്ടുണ്ട്.
Discussion about this post