ന്യൂഡല്ഹി: സാധാരണക്കാരുടെ പ്രതീക്ഷകള്ക്കനുസരിച്ച് നിലകൊള്ളുന്ന സര്ക്കാരാണ് അധികാരത്തില് വന്നിരിക്കുന്നതെന്ന് പ്രധാനമന്ത്രി നരേന്ദ്ര മോഡി. സാധാരണക്കാര് തങ്ങളില് അര്പ്പിച്ച വിശ്വാസം കണക്കിലെടുത്ത് അക്ഷീണം പരിശ്രമിച്ച് നല്ലഭരണം കാഴ്ചവയ്ക്കുമെന്നും അദ്ദേഹം പറഞ്ഞു. 16-ാം ലോക്സഭ സമ്മേളനം ആരംഭിക്കുന്നതിനു മുന്പ് പാര്ലമെന്റ് ഹൗസില് മാധ്യമങ്ങളോടു സംസാരിക്കുകയായിരുന്നു അദ്ദേഹം.
വാഹനാപകടത്തില് അന്തരിച്ച കേന്ദ്രമന്ത്രി ഗോപിനാഥ് മുണ്ടെയ്ക്ക് ആദരാജ്ഞലി അര്പ്പിച്ചശേഷമാണ് ലോക്സഭ ഇന്നത്തേക്ക് പിരിഞ്ഞത്. താത്കാലിക (പ്രോടേം) സ്പീക്കര് കമല്നാഥിന്റെ അധ്യക്ഷതയിലാണ് ആദ്യസമ്മേളനം ചേര്ന്നത്. ജൂണ് ഒമ്പതിന് രാഷ്ട്രപതി പ്രണബ് മുഖര്ജി പാര്ലമെന്റിന്റെ ഇരുസഭകളെയും അഭിസംബോധന ചെയ്യും. പാര്ലമെന്റ് സമ്മേളനം ജൂണ് 11 ന് അവസാനിക്കും.
Discussion about this post