തൃശൂര്: പ്രധാനമന്ത്രി നരേന്ദ്ര മോഡിയുടെ ചിത്രം ലോകത്തിലെ ഏറ്റവും ക്രൂരന്മാരായ ആളുകളുടെ ഒപ്പം കോളജ് മാഗസിന് പ്രസിദ്ധീകരിച്ച സംഭവത്തില് ഏഴ് പേര്ക്കെതിരേ പോലീസ് കേസെടുത്തു. കുന്നംകുളത്തെ സര്ക്കാര് പോളിടെക്നിക്കാണ് മോഡിയെ ലോകത്തിലെ ഏറ്റവും ക്രൂരന്മാരുടെ കൂട്ടത്തില് ഉള്പ്പെടുത്തി ചിത്രം പ്രസിദ്ധീകരിച്ചത്. സ്കൂള് പ്രിന്സിപ്പല് മാഗസിന് എഡിറ്റര്, മറ്റ് രണ്ടു സബ് എഡിറ്റര്മാര്, മാഗസിന് അടിച്ച പ്രസ് ഉടമ തുടങ്ങിയവരുള്പ്പടെ ഉള്ളവര്ക്കെതിരേ ഐപിസി 153-ാം വകുപ്പാണ് പോലീസ് ചുമത്തിയിരിക്കുന്നത്. ഇവരെ അറസ്റ്റുചെയ്തേക്കുമെന്നാണ് സൂചന. സംഭവത്തില് യുവമോര്ച്ച പോലീസില് പരാതി നല്കിയിരുന്നു. മാഗസിനില് ബിന് ലാദന്, അജ്മല് അമീര് കസബ്, ഹിറ്റ്ലര് തുടങ്ങി 13 പേരുടെ ചിത്രങ്ങള്ക്കൊപ്പമാണ് മോഡിയെയും ഉള്പ്പെടുത്തിയത്. കോളജിലെ അധ്യാപകരടങ്ങുന്ന സംഘമാണ് മാഗസിന് പ്രസിദ്ധീകരിച്ചിരിക്കുന്നത്. കുന്നംകുളം പോളിടെക്നികിലെ കോളജ് യൂണിയന് എസ്എഫ്ഐയുടെ നേതൃത്വത്തില് ഉള്ളതാണ്.
കോളജ് മാഗസിനില് പ്രധാനമന്ത്രിയെ മോശമായി ചിത്രീകരിച്ച സംഭവം; ഏഴുപേര്ക്കെതിരേ കേസെടുത്തു
പുതിയ വാർത്തകൾ
Discussion about this post