ന്യൂഡല്ഹി: പശ്ചിമബംഗാള് ഗവര്ണര് എം കെ നാരായണന് രാജിവെച്ചു. ഹെലികോപ്ടര് ഇടപാടുമായി ബന്ധപ്പെട്ട് കഴിഞ്ഞ ദിവസം എം കെ നാരായണനെ ചോദ്യം ചെയ്തിരുന്നു. അഗസ്റ്റ വെസ്റ്റ്ലാന്റ് ഹെലികോപ്ടര് ഇടപാടുമായി ബന്ധപ്പെട്ട് സാക്ഷിയായാണ് സിബിഐ ചോദ്യം ചെയ്തത്. 2005ല് എം കെ നാരായണന് ദേശീയ സുരക്ഷ ഉപദേഷ്ടവായിരുന്ന കാലത്ത് ഹെലികോപ്ടര് ഇടപാടുമായി ബന്ധപ്പെട്ട് നിര്ണായക യോഗം നടന്നിരുന്നു. ഇതില് പങ്കെടുത്തതുമായി ബന്ധപ്പെട്ടാണ് ചോദ്യം ചെയ്തത്.
ഭരണഘടന പദവിയിലിരിക്കുമ്പോള് ചോദ്യം ചെയ്യലിന് വിധേയമായതിന്റെ ധാര്മ്മിക ഉത്തരവാദിത്വം ഏറ്റെടുത്താണ് രാജി. നേരത്തെ നരേന്ദ്രമോഡി സര്ക്കാര് അധികാരത്തിലേറിയതിന്റെ പശ്ചാത്തലത്തില് യുപിഎ സര്ക്കാര് നിയമിച്ച ഗവര്ണര്മാരോട് കേന്ദ്ര ആഭ്യന്തരമന്ത്രാലയം രാജി ആവശ്യപ്പെട്ടിരുന്നു. എന്നാല് 2015 വരെ കാലാവധി ഉണ്ടായിരുന്ന എം കെ നാരായണന് അന്ന് രാജി ആവശ്യം തള്ളി.
Discussion about this post