തിക്രിത്: ഇറാക്കിലെ തിക്രിത്തിലുള്ള മലയാളി നഴ്‌സുമാരെ മൊസൂളിലേക്ക് മാറ്റുന്നതിനിടയില്‍ സ്‌ഫോടനമുണ്ടായതായി റിപ്പോര്‍ട്ട്. നഴ്‌സുമാരില്‍ 3 പേര്‍ക്ക് തലയ്ക്ക് പരുക്കേറ്റതായി ഇറാഖില്‍ നിന്നും വിവരം ലഭിച്ചു. രണ്ടു ബസുകള്‍ ഇവര്‍ ജോലി ചെയ്യുന്ന ആശുപത്രിയില്‍ എത്തിച്ച ശേഷം രണ്ട് മണിക്കൂറിനുള്ളില്‍ എല്ലാവരും ഇതില്‍ കയറണമെന്നാണ് വിമതര്‍ നഴ്‌സുമാരോട് ആവശ്യപ്പെട്ടിരുന്നു. അതേസമയം ഇറാക്കിലുള്ള ഇന്ത്യന്‍ എംബസി ഇവരോട് ബസില്‍ കയറാതെ പിടിച്ചു നില്‍ക്കുവാന്‍ നിര്‍ദേശം നല്‍കിയിരുന്നു. എന്നാല്‍ ഇവരുടെ ഭീഷണിയെത്തുടര്‍ന്ന് ബസില്‍ കയറുന്നതിനിടെയാണ് സ്‌ഫോടനത്തില്‍ പരുക്കേറ്റത്.
നഴ്‌സുമാരുടെ വിഷയത്തില്‍ വിദേശകാര്യമന്ത്രി സുഷമാ സ്വരാജുമായി മുഖ്യമന്ത്രി രണ്ട് തവണ കൂടിക്കാഴ്ച നടത്തി. കേരളത്തിന്റെ പക്കലുള്ള മുഴുവന്‍ വിവരങ്ങളും കേന്ദ്രത്തിന് കൈമാറിയെന്നും മുഖ്യമന്ത്രി പറഞ്ഞു.
Discussion about this post