തിരുവനന്തപുരം: റോഡപകടങ്ങളിലെ മരണനിരക്ക് കുറയ്ക്കാന്‍ പോലീസ് ആരോഗ്യ വകുപ്പുകളുടെ പ്രവര്‍ത്തനം ഏകോപിപ്പിക്കുമെന്ന് മുഖ്യമന്ത്രി ഉമ്മന്‍ ചാണ്ടി. ട്രാഫിക് പോലീസിന് ട്രാമാകെയര്‍ പരിശീലനം-സ്‌മൈല്‍ പദ്ധതിയുടെ ഉദ്ഘാടനം നിര്‍വഹിക്കുകയായിരുന്നു മുഖ്യമന്ത്രി. തൈക്കാട് പോലീസ് ട്രെയിനിംഗ് കോളേജില്‍ നടന്ന ചടങ്ങില്‍ ആഭ്യന്തരമന്ത്രി രമേശ് ചെന്നിത്തല അദ്ധ്യക്ഷത വഹിച്ചു.
അപകട മരണങ്ങള്‍ എങ്ങനെ കുറയ്ക്കാം എന്ന ചോദ്യത്തിന് ഉത്തരമാണ് സ്‌മൈല്‍ പദ്ധതി. ഇത് നൂതനമായ ഒരു ചുവട്‌വെപ്പാണെന്നും മുഖ്യമന്ത്രി പറഞ്ഞു. അപകടം നടന്ന ശേഷമുള്ള ഒരു മണിക്കൂര്‍ വിലപ്പെട്ടതാണെന്നും ഇതിനിടയില്‍ നല്‍കുന്ന ചികിത്സ പ്രധാനമുള്ളതാണെന്നും ആഭ്യന്തരമന്ത്രി പറഞ്ഞു. അപകടത്തില്‍പ്പെട്ടവരെ കൈകാര്യം ചെയ്യുമ്പോള്‍ അറിഞ്ഞിരിക്കേണ്ടവ സംബന്ധിച്ച പരിശീലനം മരണനിരക്ക് കുറയ്ക്കാന്‍ സഹായിക്കും. രക്ഷാപ്രവര്‍ത്തനത്തിലേര്‍പ്പെടുന്ന പോലീസ് വാഹനത്തില്‍ ഉപകരണങ്ങള്‍, മരുന്നുകള്‍ എന്നിവ കരുതാന്‍ നടപടിയെടുക്കുമെന്നും മന്ത്രി പറഞ്ഞു. ആരോഗ്യവകുപ്പ് മന്ത്രി വി.എസ്.ശിവകുമാര്‍ മേയര്‍ കെ.ചന്ദ്രിക, സംസ്ഥാന പോലീസ് മേധാവി കെ.എസ്.ബാലസുബ്രഹ്മണ്യന്‍, ആരോഗ്യവിദ്യാഭ്യാസ ഡയറക്ടര്‍ ഡോ.വി.ഗീത, ഡി.എച്ച്.എസ്. ഡോ.പി.കെ.ജമീല, എ.ഡി.ജി.പിമാരായ ആര്‍.ശ്രീലേഖ, എം.എന്‍.കൃഷ്ണമൂര്‍ത്തി തുടങ്ങിയവര്‍ പങ്കെടുത്തു. ”ട്രോമകെയര്‍ പരിശീലനം ഘട്ടംഘട്ടമായി എ.ആര്‍.ക്യാമ്പുകളിലും പോലീസ് സ്റ്റേഷനുകളിലും നല്‍കും. രക്ഷാപ്രവര്‍ത്തനങ്ങളില്‍ ഏര്‍പ്പെടാന്‍ പൊതുജനങ്ങള്‍ക്കും പദ്ധതി വഴി പരിശീലനം നല്‍കും.
Discussion about this post