ന്യൂഡല്ഹി: വിമാനറാഞ്ചല് ഭീഷണിയെതുടര്ന്ന് രാജ്യത്തെ എല്ലാ വിമാനത്താവളങ്ങളിലും അതീവ ജാഗ്രതാ നിര്ദേശം നല്കി. 1999 ല് ഉണ്ടായ കാണ്ഡഹാര് വിമാന റാഞ്ചലിനു സമാനമായ രീതിയില് വിമാന റാഞ്ചലിനു സാധ്യതയുണെ്ടന്ന് ഇന്റലിജന്സ് ഏജന്സികളും റിപ്പോര്ട്ട് നല്കിയിരുന്നു. ബ്യൂറോ ഓഫ് സിവില് ഏവിയേഷന് സെക്യൂരിറ്റിയാണ് (ബിഎസ്എഎസ്) അതീവ ജാഗ്രതാ നിര്ദേശം നല്കിയത്.
എയര് ഇന്ത്യയുടെ കോല്ക്കത്തയിലെ ബുക്കിംഗ് ഓഫീസിലാണ് എയര് ഇന്ത്യ വിമാനം റാഞ്ചുമെന്ന ഭീഷണിയുണ്ടായത്. ബംഗാളി ഭാഷയില് ടെലിഫോണിലായിരുന്നു സന്ദേശം. ഡല്ഹിയില്നിന്നു കാബൂളിലേക്കു പോകുന്ന വിമാനം റാഞ്ചുന്നതിനു ഭീകരര് ലക്ഷ്യമിട്ടിട്ടുണെ്ടന്നുള്ള സന്ദേശമെത്തിയതെന്നു കോല്ക്കത്തയിലെ ഒരു മുതിര്ന്ന പോലീസ് ഉദ്യോഗസ്ഥന് വെളിപ്പെടുത്തി. എന്നാല്, ഏതു വിമാനത്തെയാണു ഭീകരര് ലക്ഷ്യമാക്കുന്നതെന്നു വെളിപ്പെടുത്താന് അധികൃതര് തയാറായിട്ടില്ല.
ഭീഷണിസന്ദേശത്തിനു സമാനമായ രഹസ്യാന്വേഷണ റിപ്പോര്ട്ടുകളാണ് ഇന്റലിജന്സ് ഏജന്സികളും നല്കിയിട്ടുള്ളത്. ഇതേത്തുടര്ന്ന് കേന്ദ്ര വ്യോമയാന മന്ത്രാലയത്തില് ബിഎസ്എഎസ്, സിഐഎസ്എഫ്, എയര് പോര്ട്ട് അഥോറിറ്റി തുടങ്ങിയവയിലെ ഉന്നത ഉദ്യോഗസ്ഥര് യോഗം ചേര്ന്ന് സ്ഥിതിഗതികള് വിലയിരുത്തിയതിനു ശേഷമാണു വിമാനത്താവളങ്ങള്ക്ക് അതീവ ജാഗ്രതാ നിര്ദേശം നല്കിയത്. പ്രധാന വിമാനങ്ങളില് സ്കൈ മാര്ഷലുകളുടെ എണ്ണം കൂട്ടിയിട്ടുണ്ട്. ബാഗേജുകളുടെ പരിശോധന കര്ശനമാക്കി. വിമാനത്താവളത്തിന്റെ പരിസര പ്രദേശങ്ങളില് കമാന്ഡോകള് റോന്തുചുറ്റാനും നിര്ദേശമുണ്ട്. കോല്ക്കത്ത പോലീസും രഹസ്യാന്വേഷണ വിഭാഗവും ചേര്ന്ന് ഫോണ് വിളിച്ചയാളെ കണെ്ടത്താനുള്ള ശ്രമവും നടത്തുന്നുണ്ട്.
റിപ്പബ്ലിക് ദിനാഘോഷ പരിപാടികള് സംഘടിപ്പിക്കുന്നതിനിടെ രാജ്യത്ത് ആക്രമണം നടത്താന് ഭീകര സംഘടനകള് ലക്ഷ്യമിടുന്നതായി ഇന്റലിജന്സ് ഏജന്സികള് നേരത്തെ തന്നെ മുന്നറിയിപ്പ് നല്കിയിരുന്നു. കാബൂളിലേക്കുള്ള വിമാനങ്ങളുടെ സുരക്ഷ കൂടുതല് ശക്തമാക്കിയിട്ടുണ്ട്.
Discussion about this post