ടോക്കിയോ: വടക്കന് ജപ്പാനില് ശക്തമായ ഭൂചലനമുണ്ടായി. ഹൊന്ഷു ദ്വീപിലാണു റിക്ടര് സ്കെയിലില് 6.9 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതെന്നു യുഎസ് ജിയോളജിക്കല് സര്വേ അധികൃതര് പറഞ്ഞു. ഭൂചലനത്തെത്തുടര്ന്ന് അധികൃതര് സുനാമി മുന്നറിയിപ്പു പുറപ്പെടുവിച്ചു. ഒരു മീറ്റര് വരെ ഉയരത്തില് തിരമാലകള് അടിച്ചേക്കുമെന്ന മുന്നറിയിപ്പിനെത്തുടര്ന്നു തീരപ്രദേശങ്ങളില് നിന്നു ജനങ്ങളെ ഒഴിപ്പിച്ചു. ഭൂചലനത്തില് ആളപായമോ നാശനഷ്ടങ്ങളോ റിപ്പോര്ട്ടു ചെയ്തിട്ടില്ല. ഹൊന്ഷു ദ്വീപില് നിന്ന് 77 കിലോമീറ്റര് അകലെയുള്ള മിയാക്കോയിലാണു ഭൂചലനത്തിന്റെ കേന്ദ്രസ്ഥാനം.
പുതിയ വാർത്തകൾ
Discussion about this post