തിരുവനന്തപുരം: ചേങ്കോട്ടുകോണം ശ്രീരാമദാസആശ്രമത്തില് ശ്രീരാമനവമി ഹിന്ദുമഹാസമ്മേളനത്തിന്റെ ഭാഗമായി ശാസ്ത്രസമ്മേളനം നടന്നു. മുന് ചീഫ്സെക്രട്ടറി ആര്.രാമചന്ദ്രന്നായര് ഐഎഎസ് സമ്മേളനം ഭദ്രദീപം തെളിച്ച് ഉദ്ഘാടനം ചെയ്തു. ശാസ്താംകോട്ട ഡിബി കോളെജ് മുന്പ്രിന്സിപ്പല് ഡോ.സി.ഭുവനേന്ദ്രന് സമ്മേളനത്തില് അദ്ധ്യക്ഷനായിരുന്നു. ‘ശാസ്ത്രവിദ്യാഭ്യാസവും ഗവേഷണവും ഭാരതത്തില്’ എന്ന വിഷയത്തെ ആസ്പദമാക്കി എംജി കോളെജ് രസതന്ത്രവിഭാഗം അസോ. പ്രൊഫ. ഡോ.എം.ആര്. സുദര്ശനകുമാര് പ്രബന്ധം അവതരിപ്പിച്ചു. ‘ആയൂര്വേദ രസതന്ത്രവും പ്രയോഗവും’ എന്ന വിഷയത്തെ ആസ്പദമാക്കി ഗവ.ആയൂര്വേദകോളെജ് അസി.പ്രൊഫ. ഡോ.എസ്.ആനന്ദ് പ്രബന്ധം അവതരിപ്പിച്ചു. തച്ചപ്പള്ളി ശശിധരന് നായര്, പട്ടം പരമേശ്വരന് നായര് തുടങ്ങിയവര് സംസാരിച്ചു.
Discussion about this post