തിരുവനന്തപുരം: ചേങ്കോട്ടുകോണം ശ്രീരാമദാസ ആശ്രമത്തില് ശ്രീരാമനവമി ഹിന്ദുമഹാസമ്മേളനത്തിന്റെ ഭാഗമായി ഭാഗവതസമ്മേളനം നടന്നു. കന്യാകുമാരി ജ്ഞാനനാന്ദാശ്രമത്തിലെ ബ്രഹ്മചാരി ഹരിഹരചൈതന്യ സമ്മേളനം ഭദ്രദീപം തെളിച്ച് ഉദ്ഘാടനം ചെയ്തു. ശ്രീശങ്കരാചാര്യ സംസ്കൃതസര്വകലാശാല അസോ. പ്രൊഫ. ഡോ.വി.വാസുദേവ് സമ്മേളനത്തില് അദ്ധ്യക്ഷനായിരുന്നു. ‘ഭാഗവത രാമായണം’ എന്ന വിഷയത്തെ ആസ്പദമാക്കി ഒരു പ്രബന്ധം അദ്ധ്യക്ഷപ്രസംഗത്തില് അദ്ദേഹം അവതരിപ്പിച്ചു. കേരള സര്വകലാശാല വേദാന്തപഠനകേന്ദ്രത്തിലെ ഡോ.സി.എന്.വിജയകുമാരി ‘ഭാഗവതത്തിലെ പ്രകൃതിസംരക്ഷണ സന്ദേശങ്ങള്’ എന്ന പ്രബന്ധം അവതരിപ്പിച്ചു, പൂജപ്പുര സരസ്വതീദേവീക്ഷേത്രം ജനകീയസമിതി രക്ഷാധികാരി കെ. മഹേശ്വരന്നായര്, എം.അപ്പുക്കുട്ടന്നായര്, അഡ്വ.അണിയൂര് ടി. അജിത്കുമാര് തുടങ്ങിയവര് സംസാരിച്ചു.
Discussion about this post