പത്തനംതിട്ട: സോളാര് തട്ടിപ്പുമായി ബന്ധപ്പെട്ട കേസില് ബിജു രാധാകൃഷ്ണനും സരിത എസ്.നായര്ക്കും ആറു വര്ഷം കഠിന തടവു ശിക്ഷ ലഭിച്ചു. പത്തനംതിട്ട ജുഡീഷല് ഒന്നാംക്ലാസ് മജിസ്ട്രേറ്റ് കോടതി (ഒന്ന്) ജഡ്ജി ജയകൃഷ്ണനാണു കേസില് വിധി പറഞ്ഞത്. വിദേശമലയാളിയും ആറന്മുള സ്വദേശിയുമായ ബാബുരാജിനെ പറ്റിച്ച് 1.19 രൂപ തട്ടിയെടുത്തതായി ആറന്മുള പോലീസ് രജിസ്റ്റര് ചെയ്തകേസിനാണ് കോടതി വിധിപ്രസ്താവിച്ചത്. ബിജു 75 ലക്ഷം രൂപയും സരിത 45 ലക്ഷം രൂപയും ബാബുരാജിന് നഷ്ടപരിഹാരം നല്കണമെന്ന് കോടതി ഉത്തരവിട്ടിട്ടുണ്ട്. വിശ്വാസവഞ്ചന, ആള്മാറാട്ടം, തട്ടിപ്പ് തുടങ്ങിയ കുറ്റങ്ങള് പ്രതികള് ചെയ്തുവെന്നു കോടതി നിരീക്ഷിച്ചു.
സോളാര് കേസില് ഒന്നാം പ്രതിയായ ബിജു രാധാകൃഷ്ണനും രണ്ടാം പ്രതിയായ സരിതയും കുറ്റക്കാരാണെന്നു കോടതി കണ്ടെത്തിയിരുന്നു. ശിക്ഷ ലഭിച്ചെങ്കിലും ഒരേവകുപ്പില് മൂന്നുവര്ഷം വരെ മാത്രമേ തടവുള്ളൂ എന്നതിനാല് സരിതയ്ക്കു കോടതി ഒരുമാസത്തെ ജാമ്യം അനുവദിച്ചു. കൊലപാതകം അടക്കമുള്ള മറ്റു കേസുകളില് പ്രതിയായതിനാല് ബിജു ജയിലില് തന്നെ തുടരും.വ്യത്യസ്ത വകുപ്പുകളില് മൂന്നുവര്ഷം വീതമാണ് ആറുവര്ഷം കഠിനതടവ്.
ഇടയാറന്മുള സ്വദേശി ബാബുരാജില് നിന്നു സോളാര് കമ്പനിയുടെ ഓഹരിയെന്ന നിലയില് 1.15 കോടി രൂപ തട്ടിയെടുത്തുവെന്ന കേസിലാണു വിധി.
കോടതി വിധി മാനിക്കുന്നുവെന്നും വിധിയില് നിരാശയുണ്ടെന്നും മേല്കോടതിയില് അപ്പീലിനു പോകുമെന്നും സരിത പ്രതികരിച്ചു. ഒരാഴ്ചയ്ക്കകം അപ്പീല് നല്കും. തനിക്കു തട്ടിപ്പില് പങ്കാളിത്തമില്ല. മേല്കോടതിയില് തന്റെ നിരപരാധിത്വം തെളിയിക്കുമെന്നും സരിത പറഞ്ഞു.
Discussion about this post