തിരുവനന്തപുരം:വരുന്ന തദ്ദേശസ്വയംഭരണ പൊതു തിരഞ്ഞെടുപ്പില് പുതുതായി രൂപീകരിക്കപ്പെട്ടതോ പുനസംഘടിപ്പിക്കപ്പെട്ടതോ ആയ തദ്ദേശ സ്വയംഭരണ സ്ഥാപനങ്ങളിലെ പോളിംഗ് സ്റ്റേഷനുകള് നിശ്ചയിക്കുന്നതിന് വിശദാംശങ്ങള് അറിയിക്കാന് സംസ്ഥാന തിരഞ്ഞെടുപ്പ് കമ്മീഷന് ജില്ലാ തിരഞ്ഞെടുപ്പ് ഉദേ്യാഗസ്ഥര് കൂടിയായ എല്ലാ ജില്ലാ കളക്ടര്മാര്ക്കും നിര്ദ്ദേശം നല്കി.
മൂന്നു ദിവസത്തിനകം വിവരങ്ങള് ലഭ്യമാക്കാനാണ് നിര്ദ്ദേശം. ഓരോ വാര്ഡിനും കുറഞ്ഞത് ഒരു പോളിംഗ് സ്റ്റേഷനെങ്കിലും നിശ്ചയിക്കണം. ഗ്രാമപഞ്ചായത്തുകളില് പരമാവധി 1100-ഉം മുനിസിപ്പാലിറ്റി/കോര്പ്പറേഷനുകളില് 1500-ഉം വോട്ടര്മാര്ക്ക് ഒരു പോളിംഗ് സ്റ്റേഷന് എന്ന ക്രമത്തില് വേണം ക്രമീകരിക്കേണ്ടത്. വോട്ടര്മാരുടെ സൗകര്യം പരിഗണിച്ച് വേണം പോളിംഗ് സ്റ്റേഷന് നിശ്ചയിക്കേണ്ടത്. സര്ക്കാര്/തദ്ദേശ സ്വയം ഭരണ സ്ഥാപനം/പൊതുമേഖല സ്ഥാപനങ്ങള് എന്നിവയുടെ കെട്ടിടങ്ങള് ലഭ്യമാണെങ്കില് അവയ്ക്ക് മുന്ഗണന നല്കണം. സ്ഥല സൗകര്യം, വൈദ്യുതി, കുടിവെള്ളം, ശൗചാലയം, യാത്രാ സൗകര്യം എന്നിവ ഉറപ്പാക്കണമെന്ന് നിര്ദ്ദേശിച്ചിട്ടുണ്ട്. കെട്ടിട നമ്പറുകളുടെ അടിസ്ഥാനത്തില് പോളിംഗ് പ്രദേശം കൂടി ജില്ലാ കളക്ടര്മാര് നിശ്ചയിക്കേണ്ടതാണ്. പുതുതായി രൂപീകരിക്കപ്പെട്ട 28-മുനിസിപ്പാലിറ്റികളിലും കണ്ണൂര് മുനിസിപ്പല് കോര്പ്പറേഷനിലും പുന:സംഘടിപ്പിക്കപ്പെട്ട മറ്റ് തദ്ദേശസ്വയംഭരണ സ്ഥാപനങ്ങളിലും വാര്ഡു വിഭജനം പൂര്ത്തിയാക്കി സംസ്ഥാന ഡീലിമിറ്റേഷന് കമ്മീഷന് വിജ്ഞാപനം പുറപ്പെടുവിച്ചിട്ടുള്ള സാഹചര്യത്തിലാണ് സംസ്ഥാന തിരഞ്ഞെടുപ്പ് കമ്മീഷന് ഇപ്പോള് നിര്ദ്ദേശം നല്കിയിട്ടുള്ളത്. പുതിയതോ പുന:സംഘടിപ്പിക്കപ്പെട്ടതോ ആയ തദ്ദേശസ്വയംഭരണ സ്ഥാപനങ്ങളില് പുതിയ വാര്ഡു വിഭജന പ്രകാരം പോളിംഗ് സ്റ്റേഷനുകള് നിശ്ചയിക്കുന്നതിന് ബന്ധപ്പെട്ട തദ്ദേശസ്വയംഭരണ സ്ഥാപനങ്ങളുടെ സെക്രട്ടറിമാര് മുഖേനയാണ് വിവരങ്ങള് ശേഖരിക്കുക. കൊട്ടാരക്കര, പന്തളം, ഹരിപ്പാട്, ഏറ്റുമാനൂര്, ഈരാറ്റുപേട്ട, കട്ടപ്പന, പിറവം, കൂത്താട്ടുകുളം, വടക്കാഞ്ചേരി, പട്ടാമ്പി, ചെര്പ്പുളശ്ശേരി, മണ്ണാര്ക്കാട്, താനൂര്, പരപ്പനങ്ങാടി, വളാഞ്ചേരി, തിരൂരങ്ങാടി, പയ്യോളി, രാമനാട്ടുകര, കൊടുവള്ളിമുക്കം, കൊണ്ടോട്ടി, ഫറോക്ക്, മാനന്തവാടി, സുല്ത്താന് ബത്തേരി, ഇരിട്ടി, പാനൂര്, ശ്രീകണ്ഠാപുരം, ആന്തൂര് എന്നിവയാണ് പുതുതായി രൂപീകരിച്ചിട്ടുള്ള മുനിസിപ്പാലിറ്റികള്. കൊല്ലം മുനിസിപ്പല് കോര്പ്പറേഷന്, തളിപ്പറമ്പ്, നീലേശ്വരം മുനിസിപ്പാലിറ്റികള്, പടന്ന, പള്ളിപ്പാട്, കാര്ത്തികപ്പള്ളി, ചിങ്ങോലി, തൃക്കടീരി, തെങ്കര ഗ്രാമപഞ്ചായത്തുകള് എന്നിവയാണ് പുനര്രൂപീകരിച്ചിട്ടുള്ള തദ്ദേശസ്വയംഭരണ സ്ഥാപനങ്ങള്. കണ്ണൂരാണ് പുതുതായി രൂപീകരിച്ചിട്ടുള്ള ഏക മുനിസിപ്പല് കോര്പ്പറേഷന്.
Discussion about this post