തിരുവനന്തപുരം: തിരുവനന്തപുരത്ത് വഴുതക്കാടുള്ള ടാഗോര്‍ തിയേറ്റര്‍ ആധുനിക സൗകര്യങ്ങളോടെ നവീകരിച്ച് പ്രവര്‍ത്തനക്ഷമമാകുന്നു. സംസ്ഥാന സര്‍ക്കാര്‍ 23.04 കോടി രൂപ ചെലവഴിച്ച് നവീകരിച്ച ടാഗോര്‍ തിയേറ്റര്‍ സെപ്റ്റംബര്‍ 16 വൈകിട്ട് മുഖ്യമന്ത്രി ഉമ്മന്‍ ചാണ്ടി ഉദ്ഘാടനം ചെയ്യും. ചടങ്ങില്‍ ഇന്‍ഫര്‍മേഷന്‍-പബ്ലിക് റിലേഷന്‍സ് മന്ത്രി കെ.സി.ജോസഫ് അദ്ധ്യക്ഷത വഹിക്കും.
ഉദ്ഘാടനത്തിനോടനുബന്ധിച്ച് ഗുരുദേവ് ഡോക്യുമെന്ററി പ്രദര്‍ശനം, അബ്രദിതോ ബാനര്‍ജിയും സംഘവും അവതരിപ്പിക്കുന്ന രബീന്ദ്രസംഗീതം, ഇന്ത്യന്‍ പീപ്പിള്‍സ് തീയറ്റര്‍ അസോസിയേഷന്‍ ആലപ്പുഴ അവതരിപ്പിക്കുന്ന നാട്ടുപാട്ടു മഹോത്സവം എന്നീ പരിപാടികളും സംഘടിപ്പിച്ചിട്ടുണ്ട്. കേരളത്തിന്റെ പൈതൃക – പാരമ്പര്യ കലകളും ദേശീയ അന്തര്‍ദേശീയ സാംസ്‌കാരിക വിനിമയ പരിപാടികളും അവതരിപ്പിക്കാന്‍ കഴിയുംവിധമുള്ള വിപുലമായ സംവിധാനമാണ് നവീകരിച്ച ടാഗോര്‍ തീയറ്ററില്‍ ഒരുക്കിയിട്ടുള്ളത്.
Discussion about this post