ന്യൂഡല്ഹി: പഠാന്കോട്ട് വ്യോമസേനാ താവളത്തിലുണ്ടായ തീവ്രവാദി ആക്രമണത്തെക്കുറിച്ച് അന്വേഷിക്കാനെത്തിയ പാക് സംഘം വ്യോമ സേനാ താവളത്തില് പരിശോധന നടത്തി. പാകിസ്താനിലെ പഞ്ചാബ് തീവ്രവാദ വിരുദ്ധ വകുപ്പ് അഡീഷണല് ഇന്സ്പെക്ടര് ജനറല് മുഹമ്മദ് താഹിര് റായിയുടെ നേതൃത്വത്തിലുള്ള അഞ്ചംഗ സംഘമാണ് അന്വേഷണത്തിന് എത്തിയിട്ടുള്ളത്. പാക് ഐ.ബി.യുടെ ഡെപ്യൂട്ടി ഡയറക്ടര് ജനറല് ലഹോര് മുഹമ്മദ് അസിം അര്ഷാദ്, മിലിട്ടറി ഇന്റലിജന്സ് ലഫ്.കേണല് ഇര്ഫാന് മിര്സ, ഐ.എസ്.ഐ.യുടെ ലഫ്.കേണല് തന്വീര് അഹമ്മദ്, ഗുജ്റാന് വാലയിലെ പോലീസ് ഇന്സ്പെക്ടര് ഷഹീദ് തന്വീര് എന്നിവരാണ് സംഘത്തിലെ മറ്റ് അംഗങ്ങള്.
തീവ്രവാദി ആക്രമണത്തെക്കുറിച്ച് അന്വേഷിക്കാന് പാക് സംഘം ഇന്ത്യയിലെത്തുന്നത് ആദ്യമായാണ്.
