തിരുവനന്തപുരം: വൊക്കേഷണല്‍ ഹയര്‍ സെക്കന്‍ഡറി പൊതുപരീക്ഷയുടെ കേന്ദ്രീകൃത മൂല്യനിര്‍ണയ ക്യാമ്പുകള്‍ സംസ്ഥാനത്തെ എട്ട് കേന്ദ്രങ്ങളില്‍ ആരംഭിച്ചു. എല്ലാ മേഖലാ അസിസ്റ്റന്റ് ഡയറക്ടര്‍മാരും അതത് മേഖലകളില്‍ ഉള്ള എല്ലാ അധ്യാപകരുടെയും സേവനം മൂല്യനിര്‍ണയ ക്യാമ്പുകളില്‍ വിനിയോഗിക്കുകയും അതിനാവശ്യമായ നിര്‍ദ്ദേശങ്ങളും ഉത്തരവും മേഖലാ ഓഫീസില്‍ നിന്ന് നല്‍കേണ്ടതാണ്.
മതിയായ കാരണങ്ങളാല്‍ ക്യാമ്പുകളില്‍ ഹാജരാകാത്ത അധ്യാപകരുടെ മേല്‍ കര്‍ശന അച്ചടക്ക നടപടികള്‍ സ്വീകരിക്കും. ഹാജരാകാത്ത അധ്യാപകരുടെ വിവരം പരീക്ഷാ ഓഫീസില്‍ അറിയിക്കണം. തിരുവനന്തപുരം ജില്ലയിലെ അധ്യാപകര്‍ തിരുവനന്തപുരം മണക്കാട് ഗവണ്‍മെന്റ് ഗേള്‍സ് വി.എച്ച്.എസ്. സ്‌കൂളില്‍ നടക്കുന്ന മൂല്യനിര്‍ണയ ക്യാമ്പിലും കൊല്ലം ജില്ലയിലെ അധ്യാപകര്‍ കൊല്ലം ഉളിയകോവില്‍ ടി.കെ.ഡി.എം.ഗവ. വി.എച്ച്.എസ് സ്‌കൂളില്‍ നടത്തുന്ന മൂല്യനിര്‍ണയ ക്യാമ്പുകളിലും മറ്റു ജില്ലകളിലെ അധ്യാപകര്‍ അവരവരുടെ മേഖലാ പരിധിയില്‍ വരുന്ന മൂല്യനിര്‍ണയ ക്യാമ്പുകളില്‍ വി.എച്ച്.എസ്.ഇ.യുടെ ഔദ്യോഗിക വെബ്‌സൈറ്റില്‍ പ്രസിദ്ധീകരിച്ച ഷെഡ്യൂള്‍ പ്രകാരം റിപ്പോര്‍ട്ട് ചെയ്യേണ്ടതാണെന്ന് സെക്രട്ടറി അറിയിച്ചു
Discussion about this post