തിരുവനന്തപുരം: കൊല്ലം ജില്ലയിലെ പരവൂര്‍ പുറ്റിങ്ങല്‍ ക്ഷേത്രോല്‍സവത്തിനിടെ ഏപ്രില്‍ പത്തിന് നടന്ന വടിക്കെട്ടപകടത്തില്‍ ദുരന്തത്തിനിടയായവര്‍ക്ക് കൂടതല്‍ സഹായ എത്തിക്കുന്നതിനായി ധന വകുപ്പ് അഡീഷണല്‍ സെക്രട്ടറിയുടെ പേരില്‍ തിരുവനന്തപുരം ജില്ലാ ട്രഷറിയില്‍ അക്കൗണ്ട് തുറന്നു.
സംഭാവനകള്‍ പണമായും ചെക്ക് / ഡി. ഡി ആയും സ്വീകരിക്കും. തിരുവനന്തപുരം ജില്ലാ ട്രഷറിയിലെ 799011400000012 നമ്പര്‍ സ്‌പെഷ്യല്‍ ട്രഷറി സേവിംഗ് ബാങ്ക് (STSB) അക്കൗണ്ടിലേക്ക് നേരിട്ടും സംഭാവന നല്‍കാം. ധനവകുപ്പ് അഡീഷണല്‍ ചീഫ് സെക്രട്ടറി, പുറ്റിങ്ങല്‍ ക്ഷേത്ര വെടിക്കെട്ട് ദുരന്ത ദുരിതാശ്വാസ നിധി, സെക്രട്ടറിയേറ്റ്, തിരുവനന്തപുരം- 695 001 വിലാസത്തിലാണ് ചെക്ക്/ ഡി. ഡി അയക്കേണ്ടത്. നിധിയിലേക്ക് പൊതുജനങ്ങള്‍ക്കും സന്നദ്ധ സംഘടനകള്‍ക്കും ഉദാരമായ സംഭാവന നല്‍കാം. സര്‍വകക്ഷി യോഗ തീരുമാനപ്രകാരമാണ് ദുരിതാശ്വാസ നിധി രൂപീകരിച്ചിട്ടുള്ളത്.
Discussion about this post