മുംബൈ: കനത്ത മഴയില്‍ മുംബൈ-ഗോവ ദേശീയ പാതയില്‍ മഹാഡിലെ സാവിത്രി നദിക്ക് കുറുകെയുള്ള പാലം ഒലിച്ചുപോയി. ഇരുപത്തിരണ്ടുപേരെ കാണാതായതായും രണ്ട് ബസുകള്‍ ഉള്‍പ്പടെ നാല് വാഹനങ്ങള്‍ ഒലിച്ചു പോയതായും സ്ഥിരീകരിക്കാത്ത റിപ്പോര്‍ട്ടുകളുണ്ട്.
അര്‍ദ്ധരാത്രി രണ്ട് മണിയോടെയാണ് അപകടം നടന്നത്. അതിനാല്‍ കൂടുതല്‍ വാഹനങ്ങള്‍ നദിയില്‍ വീണിട്ടുണ്ടോ എന്ന കാര്യവും പരിശോധിക്കുന്നുണ്ട്. സ്‌റ്റേറ്റ് ട്രാന്‍സ്‌പോര്‍ട്ട് കോര്‍പ്പറേഷന്റെ രണ്ടു ബസുകള്‍ കാണാതായിട്ടുണ്ട്. മുംബൈയില്‍ നിന്ന് ഗോവയിലേക്ക് പോകാനും ഗോവയില്‍ നിന്ന് മുംബൈയിലേക്ക് വരാനുമായി സമാന്തരമായി രണ്ട് പാലങ്ങളാണ് ഉണ്ടായിരുന്നത്. ഇതില്‍ ബ്രിട്ടീഷുകാരുടെ കാലത്ത് നിര്‍മ്മിച്ച പഴയ പാലമാണ് തകര്‍ന്നത്.
ദേശീയ ദുരന്തനിവാണ അതോറിറ്റി അപകടസ്ഥലത്ത് രക്ഷാപ്രവര്‍ത്തനം ആരംഭിച്ചിട്ടുണ്ട്.
Discussion about this post