പത്തനംതിട്ട: ശബരിമലയില് പ്ലാസ്റ്റിക് കുപ്പിവെള്ളത്തിനുള്പ്പടെ നിരോധനമുള്ള സാഹചര്യത്തില് വെല്ലുവിളി നേരിടുമെന്ന് ജില്ലാ കളക്ടര് ആര്.ഗിരിജ പറഞ്ഞു. പമ്പ, സന്നിധാനം, നിലയ്ക്കല് എന്നിവിടങ്ങളില് സാനിട്ടേഷന് സൂപ്പര്വൈസര്, സ്ക്വാഡ് അംഗം ചുമതല നല്കിയിട്ടുള്ള ഉദ്യോഗസ്ഥര്ക്കായി പത്തനംതിട്ട കിഴക്കേടത്ത് മറിയം കോംപ്ലക്സില് നടത്തിയ ഓറിയന്റേഷന് ക്ലാസ് ഉദ്ഘാടനം ചെയ്യുകയായിരുന്നു കളക്ടര്.
പമ്പയില് തുണിയിടാന് പാടില്ലെന്ന ഉത്തരവാണ് മറ്റൊരു വെല്ലുവിളി. ശബരിമലയിലെ പ്രവര്ത്തനങ്ങള് ഏകോപിപ്പിക്കാന് സര്ക്കാര് നിയോഗിച്ച ഐ.എ.എസ് ഉദ്യോഗസ്ഥന് 15ന് ചുമതലയേല്ക്കും. ശബരിമലയിലെത്തുന്ന തീര്ഥാടകര്ക്ക് ആവശ്യമായ സൗകര്യങ്ങള് ഒരുക്കേണ്ടത് കടമയാണെന്ന് കളക്ടര് പറഞ്ഞു. എഡിഎം അനു എസ്.നായര് അധ്യക്ഷത വഹിച്ചു. ദുരന്ത നിവാരണം ഡെപ്യുട്ടി കളക്ടര് ജി.ബാബു, അടൂര് ആര്.ഡി.ഒ ആര്.രഘു, ഡെപ്യുട്ടി ഡി.എം.ഒ ഡോ.എല്.അനിതകുമാരി എന്നിവര് സംസാരിച്ചു. എന്. ബാലകൃഷ്ണന് പരിശീലന ക്ലാസ് നയിച്ചു.
Discussion about this post